استانا قالاسىندا قازاقستان رەسپۋبليكاسىنىڭ توراعالىعىمەن شىۇ-عا مۇشە مەملەكەتتەردىڭ ساۋدانى وڭايلاتۋ جونىندەگى ارنايى جۇمىس توبىنىڭ (سرگ) وتىرىسى ءوتتى, دەپ حابارلايدى astana-akshamy.kz
وتىرىسقا ساۋدا راسىمدەرىن وڭايلاتۋ سالاسىنداعى ىنتىماقتاستىق ماسەلەلەرىنە جاۋاپتى شىۇ-عا مۇشە مەملەكەتتەردىڭ مينيسترلىكتەرى مەن ۆەدومستۆولارىنىڭ وكىلدەرى قاتىستى.
جيىندا ساۋدا جانە ينتەگراتسيا ۆيتسە-ءمينيسترى جانەل كۋشۋكوۆا ءسوز سويلەپ, وڭىرلىك ىنتىماقتاستىقتى تەرەڭدەتۋ, ۇلتتىق ەكونوميكانى دامىتۋ جانە بيزنەستى جۇرگىزۋ ءۇشىن قولايلى جاعدايلار جاساۋدا ساۋدا راسىمدەرىن جەڭىلدەتۋدەگى بىرلەسكەن كۇش-جىگەردىڭ ماڭىزدى ەكەنىن ەرەكشە اتاپ ءوتتى.
وتىرىس بارىسىندا دەلەگاتسيا باسشىلارى شىۇ-عا مۇشە مەملەكەتتەردەگى ساۋدا راسىمدەرىن وڭايلاتۋ جونىندەگى اعىمداعى احۋال تۋرالى حاباردار ەتتى جانە شىۇ-داعى ساۋدا راسىمدەرىن وڭايلاتۋ جونىندەگى ودان ارعى قادامدار تۋرالى پىكىر الماستى.
سونداي-اق, 2023 جىلى قر ساۋدا جانە ينتەگراتسيا مينيسترلىگى مەن QazTrade دايىنداعان ساۋدا راسىمدەرىن جەڭىلدەتۋ بويىنشا قازاقستاننىڭ ۇلتتىق بايانداماسى تانىستىرىلدى. بۇل بايانداما قازاقستاننىڭ دسۇ-عا كىرگەن كەزىنەن باستاپ سىرتقى ساۋدا راسىمدەرىن وڭايلاتۋ سالاسىنداعى پروگرەستى كورسەتەدى.
جۇمىس توبىنىڭ وتىرىسى شەڭبەرىندە ترانسكاسپي حالىقارالىق كولىك باعىتى مىسالىندا ساۋدا-لوگيستيكالىق بايلانىستار بويىنشا, سونداي-اق شىۇ ەلدەرىندە نارىقتاردىڭ كەدەرگىسىز جۇمىس ىستەۋى بويىنشا قابىلدانىپ جاتقان شارالار بويىنشا تاقىرىپتىق سەسسيالار وتكىزىلدى.
انىقتاما: قازاقستاننىڭ شىۇ ەلدەرىمەن تاۋار اينالىمى 2023 جىلى 66,0 ملرد. اقش دوللارىن قۇرادى, بۇل وتكەن جىلعى كورسەتكىشتەن 6,8% – عا ارتىق (61,8 ملرد. اقش دوللارى). بۇل رەتتە سوڭعى 5 جىلدا شىۇ ەلدەرىنىڭ ءوزارا ساۋداسى 2019 جىلى 336 ملرد. اقش دوللاردان 2023 جىلى 490 ملرد. اقش دوللارىنا دەيىن ۇلعايدى. ايماقتاعى نەگىزگى ساۋدا سەرىكتەستەرى قىتاي بولىپ تابىلادى, ونىڭ ۇلەس سالماعى بارلىق ءوزارا ساۋدانىڭ 64,6% جانە رەسەي (26,2%) قۇرايدى. قازاقستاننىڭ ۇلەسى 3,3% قۇرادى.
