استانا قالاسىنىڭ جاڭادان سايلانعان VIII شاقىرىلىمداعى ءماسليحات دەپۋتاتتارىنىڭ كەزەكتەن تىس سەسسياسىنىڭ كۇن تارتىبىندە 9 ماسەلە قارالدى. سەسسيانى استانا قالاسى اۋماقتىق سايلاۋ كوميسسياسىنىڭ توراعاسى باقىت بەكتەمىسوۆا اشتى. وتىرىسقا استانا قالاسىنىڭ اكىمى جەڭىس قاسىمبەك قاتىستى.
سەسسيادا العى ءسوز سويلەگەن باس قالا باسشىسى جەڭىس قاسىمبەك:
«ەلوردا ءماسليحاتى دەپۋتاتتارىنىڭ الدىندا ۇلكەن جاۋاپكەرشىلىك پەن مىندەتتەر تۇر. استانادا 1 ميلليون 300 مىڭنان استام ادام تۇرادى. قالادا سۋ تاپشىلىعى بايقالادى, تاعى دا باسقا قوردالانعان ماسەلەلەر بار. الداعى ۋاقىتتا سولاردى بىرلەسىپ شەشەمىز دەگەن نيەتتەمىن. ەلوردادا حالىق سانى ارتقان سايىن بالاباقشا مەن مەكتەپ قاجەتتىلىگى بايقالادى. قالا تۇرعىندارىنىڭ سەنىمىن اقتاۋ كەرەك. مەملەكەت باسشىسى بىرقاتار مىندەتتەر جۇكتەدى. الدىمىزدا تاپسىرمالاردى ورتاق ورىنداۋ مىندەتى تۇر» دەدى.
كۇن تارتىبىندەگى ەڭ نەگىزگى ماسەلە – ءماسليحات توراعاسىن جانە تۇراقتى كوميسسيانىڭ توراعالارىن سايلاۋ.
دەپۋتاتتىق كورپۋستىڭ ءبىراۋىزدان قولداۋىمەن ەرلان كاناليموۆ ءماسليحات توراعاسىنا سايلانسا, زاڭدىلىق, قۇقىقتىق ءتارتىپ جانە جۇرتشىلىقپەن جۇمىس ماسەلەلەرى جونىندەگى كوميسسيانىڭ توراعاسىنا ازامات ايتقوجين, بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى كوميسسيانىڭ توراعاسىنا كەندەباي ادامبەكوۆ سايلاندى. ال قۇرىلىس, ەكولوگيا, كولىك, ساۋدا جانە تكش ماسەلەلەرى جونىندەگى كوميسسيانى ۆلاديسلاۆ سەرگەەۆ, الەۋمەتتىك-مادەني دامۋ ماسەلەلەرى جونىندەگى كوميسسيانى اسقار سماعۇلوۆ جەتەكشىلىك ەتەدى. Amanat پارتياسى فراكتسياسىنىڭ جەتەكشىسى بولىپ بەرىك جاكەنوۆ سايلاندى.
جالپى وتىرىستا داۋىس بەرۋ بارىسىندا ءماسليحات دەپۋتاتتارى بۇل كانديداتۋرالاردى قولدادى.
ەلوردا ءماسليحاتىنىڭ قۇرامىندا – 34 دەپۋتات, Amanat پارتياسىندا –12 ماندات, قحپ پارتياسىندا جانە Baytaq قازاقستاندىق جاسىلدار پارتياسىندا ءبىر ماندات جانە «اق جول» پارتياسىندا ءۇش ماندات بار. تاعى 17 دەپۋتات ءبىر مانداتتى سايلاۋ وكرۋگتەرى بويىنشا سايلاندى. جاڭا ءماسليحات قۇرامىندا 25 ەر ادام جانە 9 ايەل بار. ەڭ جاس دەپۋتات – 22 جاستا, ەڭ ۇلكەنى – 63 جاستا. دەپۋتاتتاردىڭ ورتاشا جاسى – 46 جاس.
ايتا كەتەتىنى, ءماسليحاتتى باسقاراتىن ەرلان كاناليموۆ ءVىى شاقىرىمداعى ءماسليحاتتا حاتشى قىزمەتىن اتقارعان
