نۇرسۇلتان نازارباەۆ قازاقستان حالقىنا مەملەكەتتىڭ الەۋمەتتىك-ەكونوميكالىق ساياساتىنا قاتىستى كەزەكتى ۇندەۋىن ۇسىندى. ول نەگىزگى 5 باستامادان تۇرادى.
ەلباسى ايتقانداي, كونستيتۋتسيامىزدا قازاقستان ءوزىن الەۋمەتتىك مەملەكەت دەپ جاريالاعان. وسى ۇندەۋدە دە ەلباسى حالقىمىزدىڭ الەۋمەتتىك ماسەلەسىنە ەرەكشە كوڭىل ءبولدى. اسىرەسە, قازاقستاندىقتاردىڭ ەڭسەسىن كوتەرەتىن «7–20–25» اتتى باستاماسى. بۇل – حالىقتى قولجەتىمدى تۇرعىن ۇيمەن قامتاماسىز ەتۋدە يپوتەكالىق نەسيەنى 7 پايىزبەن بەرۋ, باستاپقى جارنانىڭ 20 پايىزدان اسپاۋى, حالىقتىڭ اي سايىنعى تولەمىن تومەندەتىپ, 25 جىلعا دەيىنگى مەرزىمگە بەرۋ ماسەلەسى كوزدەلگەن ءتيىمدى باعدارلاما.
كەلەسى كەزەكتەگى سالىق ماسەلەسىندە ەڭ تومەنگى جالاقى الاتىن ادامدارعا قولداۋ كورسەتۋ ماقساتىمەن سالىقتى 10 رەتتىك كورسەتكىشتە ءتومەندەتىپ تولەۋ ءتيىمدى بولىپ وتىر. باعدارلاما 2019 جىلدىڭ 1 قاڭتارىنان باستاپ جۇزەگە اسادى.
ەلباسى جوعارى ءبىلىم سالاسىنا دا ەرەكشە توقتالدى. بيىلعى وقۋ جىلىندا قوسىمشا 20 مىڭ مەملەكەتتىك گرانت بولىنبەك. سونىڭ ىشىندە 11 مىڭ گرانت تەحنيكالىق جانە اۋىل شارۋاشىلىعى ماماندارىن دايارلايتىن وقۋ ورىندارىنا بولىنەدى. ەلباسىنىڭ وسى مامانداردى دايارلايتىن وقۋ ورىندارىنداعى مەملەكەتتىك گرانتتىڭ باعاسىن ۇلتتىق ۋنيۆەرسيتەتتەرمەن تەڭەستىرۋ ماسەلەسى بۇل تەحنيكالىق ماماندارعا دەگەن قامقورلىعىن كورسەتەدى. 2022 جىلعا دەيىن ستۋدەنتتەرگە ارنالعان قوسىمشا 75 مىڭ ورىندىق جاتاقحانا سالۋ ماسەلەسىن قاراستىرۋدى ۇكىمەتكە تاپسىردى.
ءتورتىنشى باستاماداعى شاعىن نەسيەلەندىرۋ ماسەلەسى ەلدەگى جۇمىسسىزدىق پەن ءوزىن-ءوزى جۇمىسپەن قامتيتىن توپتار ءۇشىن ۇلكەن كومەك بولماق. 2018 جىلى وسى سالاعا قوسىمشا 20 ميلليارد قارجى بولىنبەك.
ەلباسىنىڭ بەسىنشى باستاماسى – ەلدى گازبەن قامتاماسىز ەتۋ. ۇلت كوشباسشىسى ەل تۇرعىندارىنىڭ 50 پايىزىن تابيعي گازبەن قامتىلعانىنا توقتالا كەلە, كەلەسى كەزەكتە سولتۇستىك جانە ورتالىق قازاقستان, استانا قالاسىن گازبەن قامتاماسىز ەتۋدى ۇكىمەتكە تاپسىردى. بۇل, ءوز كەزەگىندە, حالىقتىڭ الەۋمەتتىك ماسەلەسىمەن قاتار ەكولوگيا ماسەلەسىن دە قاتار شەشەتىنىن اتاپ كورسەتتى.
قورىتا ايتقاندا, ەلباسى ءۇندەۋىنىڭ, شىن مانىندە, الەۋمەتتىك ماڭىزى جوعارى. وسى كورسەتىلگەن باستاما ماسەلەلەرىن شەشۋگە مەملەكەتتىڭ قاۋقارى بار ەكەنىن حالىققا تاعى دا جەتكىزدى.
سونىمەن بىرگە, ەلباسى ەل ىشىندە ىنتىماق-بىرلىككە ەرەكشە توقتالدى. قازاقستاننىڭ كوركەيۋى ءبىرىنشى كەزەكتە مەملەكەت قۇرۋشى ەتنوس قازاق حالقىنا تىكەلەي بايلانىستى ەكەنىن اتاپ ءوتتى. ەل بىرلىگى, ءبىرىنشى, قازاق حالقىنا كەرەك. ەلباسى مەن ەلى بىرگە بولعان جاعدايدا عانا جارقىن بولاشاققا قول جەتكىزەمىز.
زۋلفۋحار گايپوۆ,
استانا قالالىق ءماسليحاتىنىڭ دەپۋتاتى
