نۇر-سۇلتان قالاسىنىڭ اكىمى التاي كولگىنوۆ تۇڭعىش پرەزيدەنت كۇنى قارساڭىندا قر كونستيتۋتسياسىنىڭ 25 جىلدىعى جانە «حالىق العىسى» توسبەلگىلەرىن تابىستادى. بۇل تۋرالى قالا اكىمى ينستاگرام پاراقشاسىندا جازدى.
«جاس ەلوردامىزدى قالىپتاستىرعان – ءتۇرلى ماماندىقتاردى يگەرگەن مىڭداعان ادام. ولاردىڭ ىشىندە قۇرىلىسشى, مۇعالىم, دارىگەر مەن قۇقىق قورعاۋشىلار دا بار. ارقاي̆سىسى قالانىڭ دامۋىنا وزىندىك ۇلەسىن قوستى جانە قوسىپ كەلەدى. تۇڭعىش پرەزيدەنت كۇنى قارساڭىندا قر كونستيتۋتسياسىنىڭ 25 جىلدىعى جانە «حالىق العىسى» توسبەلگىلەرىن تابىستادىق.
ماراپاتتالعانداردىڭ ىشىندە ەڭبەك ارداگەرلەرى, ساۋلەتشىلەر مەن قۇرىلىسشىلار بار. سولاردىڭ ءبىرى – قالالىق بالالار اۋرۋحاناسىنىڭ باس دارىگەرى نادەجدا پەتۋحوۆا. وسى مەكەمەنى 1997 جىلدان بەرى باسقارىپ كەلەدى. سول جىلى ەلوردا ءومىرىنىڭ جاڭا كەزەڭى باستالىپ, بارلىق كۇش-جىگەردى بارعان ساي̆ىن كوبەي̆ىپ بارا جاتقان تۇرعىندارعا جۇمىلدىرۋ كەرەك بولدى» دەپ جازدى التاي كولگىنوۆ.
سونداي-اق بيىل ازىق-تۇلىك, ءدارى-دارمەك پەن مەديتسينالىق بەتتۇمشالاردى تاراتۋعا, سانيتارلىق تالاپتاردى قاداعالاۋ رەي̆دتەرىنە قاتىسىپ, ىندەتپەن كۇرەسكە كومەكتەسكەن ەرىكتىلەر دە مەملەكەتتىك ناگرادالارمەن ماراپاتتالدى.
