شىلدەنىڭ العاشقى ەكى اپتاسىندا 11 بالا كوپقاباتتى ءۇيدىڭ تەرەزەسىنەن قۇلاپتى. بۇل دەگەنىڭىز, استانانىڭ ءار كۇنىندە وسىنداي ءبىر وقيعا تىركەلەدى دەگەن ءسوز. اسىرەسە, ولاردىڭ 1-4 جاس ارالىعىنداعى بۇلدىرشىندەر ەكەنىن ەسكەرسەك, بۇعان ۇلكەندەر جاعىنىڭ سالعىرتتىعى سەپ دەر ەدىك. ولار ءالى كۇنگە دەيىن ماسادان قۇتقاراتىن توردىڭ قاۋىپسىزدىكتى كۇشەيتۋگە ەش قاتىسى جوق ەكەنىن ەسكەرمەي كەلە جاتىر.
جىل باسىنان بەرى قالادا كوپ قاباتتى ءۇيدىڭ تەرەزەسىنەن 40-قا جۋىق بالانىڭ قۇلاۋ فاكتىسى تىركەلگەن. بيىكتەن قۇلاعان بالالار كوبىنە ءتۇرلى سۇيەك جاراقاتىن الىپ, باس سۇيەگى مەن ىشكى ورگاندارى زاقىمدانعان كۇيدە وتە اۋىر جاعدايدا جەتكىزىلەدى ەكەن. تەرەزەدەن قۇلاعان بالالاردىڭ قاستارىندا كوبىنە ۇلكەن ادامدار بولعان. ءۇي ىشىندە ءبارى بىرگە, نازاردا جۇرسە دە نەگە وسىنداي وقيعا كوپ ورىن الىپ كەتتى؟ «اتا-انالار كوبىنە موسكيتتىك توردىڭ بارىنا سەنەدى. ال ول ەشقانداي سالماقتى كوتەرە المايدى. ول بار ەكەن دەپ بالانى باقىلاۋسىز قالدىرۋعا بولمايدى. جاقىندا عانا وسىلاي بالامنان ايىرىلىپ قالا جازدادىم. ەندى مۇنداي وقيعانى ەشقانداي اتا-اناعا تىلەمەس ەدىم. ساقتىقتا قورلىق جوق» دەيدى اتا-انا ايسۇلۋ بەركىمباەۆا.
ال دارىگەرلەر جاعى مۇنداي جاعدايعا جايباراقات قارايتىن اتا-انالارعا ارنالعان قولدانىستاعى زاڭنامامىزدىڭ ارنايى كۇشى بولۋى كەرەك دەپ ەسەپتەيدى. قايعىلى وقيعالاردىڭ الدىن الۋدىڭ بىردەن ءبىر جولى تەرەزەگە بالا وزدىگىنەن اشا المايتىن بۇعاتتاۋىشتار ورناتۋ قاجەت. بولمە جيھازدارىن دا تەرەزەدەن الىسىراق قويعان ءجون. ءاربىر اتا-انا بالاسىن بيىكتەن قۇلاۋدىڭ قورعاۋ جولىنداعى قاۋىپسىزدىك شارالارىنا سالعىرتتىقپەن قاراماۋى كەرەك.
گۇلجان راحمان
