«پراۆو» قوعامدىق قورى مەن «ۋاقىتشا تۇرۋ ورتالىعى» جق بىرلەسىپ, «ايەلدەر مەن بالالاردىڭ قۇقىعى» دەگەن تاقىرىپتا كوشپەلى الەۋمەتتىك بيۋرو وتكىزدى. سونداي-اق, «كەرۋەن» ساۋدا-ويىن-ساۋىق ورتالىعىندا №71 مەكتەپ-ليتسەي وقۋشىلارىنىڭ قاتىسۋىمەن فلەشموب ۇيىمداستىرىلدى.
اتالعان قوعامدىق قوردىڭ زاڭگەرى اقنۇر يساەۆانىڭ ايتۋىنشا, ۇيىم بالالار مەن ايەلدەردى قىلمىستىڭ بارلىق تۇرىنەن قورعاۋعا كۇش سالادى. ماسەلەن, ول جۇمىس بارىسىندا جىنىستىق قول سۇعۋشىلىق ءجيى كەزدەسەتىنىن العا تارتىپ وتىر.
– ءبىزدىڭ قوعامدىق ۇيىم كامەلەتتىك جاسقا تولماعان جاسوسپىرىمدەر مەن ايەلدەرگە كومەك كورسەتەدى. بۇگىنگى شارانىڭ ماقساتى بالالار مەن ايەلدەردىڭ قۇقىعىنا قول سۇعۋشىلىقتان قورعاۋ بولىپ وتىر. ويتكەنى قوعامدا ءالى دە بولسا بالالار مەن ايەلدەرگە ءارتۇرلى قىسىم كورسەتەتىن وقيعالار كەزدەسىپ جاتادى. حالىقپەن كوپ كەزدەسكەندە بايقاعانىمىز, بيىل اتالعان ازاماتتاردىڭ قۇقىعىنا قول سۇعۋشىلىق كوبەيىپ وتىر. ال بۇگىنگى ءىس-شارامىزعا 24 مەكەمە مەن ۇيىمداردىڭ وكىلدەرى قاتىسىپ, ولار ءجابىر كورگەندەرگە وزدەرىنىڭ كەڭەسىن بەرەدى, – دەيدى اقنۇر بولاتقىزى.
اكتسياعا قالالىق دەنساۋلىق ساقتاۋ باسقارماسىنان باس-تاپ, ادۆوكاتتار القاسى پرەزيديۋمىنا دەيىنگى باس-اياعى 24 مەكەمە قاتىسىپ, ءوز كەڭەستەرىن بەردى. نەگىزى, قوعامدىق قوردىڭ باستى ۇرانى «سىزدەردىڭ پروبلەمالارىڭىز بار ما؟ كەلىڭىز, بىرگە شەشەيىك!» دەپ اتالادى.
سەرىك قۇدايبەرگەنۇلى
