مەملەكەت باسشىسى ن.نازارباەۆتىڭ قازاقستان حالقىنا ارنالعان جولداۋىندا تۇرمىس ساپاسىن ارتتىرۋ ماسەلەلەرىنە ەرەكشە كوڭىل قويدى. ايقىنداپ ايتقاندا, «ءال-اۋقاتىمىزدىڭ ەكىنشى ءبىر سيپاتى – ءومىر ءسۇرۋ دەڭگەيىنىڭ ارتۋى» دەگەن ەلباسى الەۋمەتتىك سالانىڭ ىشىندە دەنساۋلىق ساقتاۋ سالاسىنا دا باسىمدىق بەردى. مەملەكەت باسشىسى ءبىزدىڭ الدىمىزعا مىناداي مىندەتتەر قويىپ, ەڭ الدىمەن, اسىرەسە اۋىلدىق جەرلەردە العاشقى مەديتسينالىق-سانيتارلىق كومەكتىڭ قولجەتىمدى بولۋىن قامتاماسىز ەتۋ قاجەتتىگىن ايتتى.
جولداۋداعى ناقتى تاپسىرمالارعا ساي 2019 جىلدىڭ 1 قاڭتارىنان باستاپ بارلىق ەمحانالار مەن اۋرۋحانالار مەديتسينالىق قۇجاتتاردى قاعازسىز, تسيفرلىق نۇسقادا جۇرگىزۋگە كوشۋگە ءتيىسپىز. بۇل 2020 جىلعا قاراي بۇكىل تۇرعىنداردىڭ ەلەكتروندى دەنساۋلىق پاسپورتتارىن جاساۋعا, كەزەكتەردى, بيۋروكراتيالىق كەدەرگىلەردى جويۋعا, قىزمەت كورسەتۋ ساپاسىن ارتتىرۋعا مۇمكىندىك بەرەدى.
استانا قالاسى قوعامدىق دەنساۋلىق ساقتاۋ باسقارماسى «العاشقى مەديتسينالىق-سانيتارلىق كومەك» كورسەتەتىن قىزمەتكەرلەردى ىنتالاندىرۋ ءۇشىن 2019 جىلدىڭ 1 قاڭتارىنان باستاپ اۋرۋلاردى ەمدەۋ ءىسىن باسقارۋدىڭ جاڭا تاسىلدەرىن ەنگىزگەن ۋچاسكەلىك مەديتسينا قىزمەتكەرلەرىنىڭ جالاقىسىن كەزەڭ-كەزەڭمەن 20 پايىزعا كوبەيتۋدى قولعا الماق. بۇل ىستە ءبىرىنشى كەزەكتە, «اۋرۋلاردى باسقارۋ باعدارلاماسىن» نەگىزگە الاتىن بولامىز. ايتا كەتەتىن بولساق, 2017 جىلدان باستاپ قالانىڭ 16 ەمحاناسىندا وسى باعدارلاما ەنگىزىلدى. جاڭا جوبا ارقىلى كلينيكالىق تاجىريبەنىڭ وزىق ۇلگىلەرىن پايدالانىپ, ازاماتتاردىڭ ءوز دەنساۋلىعىنا جاۋاپكەرشىلىگىن ارتتىرا ءتۇسىپ, ونىڭ دەنساۋلىعىن جاقسارتىپ, ءومىر ساپاسىن ارتتىرۋعا قول جەتكىزۋ كوزدەلىپ وتىر.
بۇل رەتتە, مامانداردىڭ بىلىكتىگىنىڭ ماڭىزى زور. ەلوردادا 3284 دارىگەر مەن 6501 ورتا مەديتسينالىق قىزمەتكەرلەر تۇرعىندارعا قىزمەت كورسەتەدى. وسى جىلدىڭ قىركۇيەگىندەگى ناقتى كورسەتكىشتەرگە سايكەس, ورتاشا ەمحانانىڭ ۋچاسكەلىك دارىگەرى – 152 مىڭ تەڭگە, مەدبيكەلەر 96 مىڭ تەڭگە مولشەرىندە ايلىق جالاقى الادى.
بۇگىندە استانالىقتارعا 36 مەديتسينا مەكەمەسى, ونىڭ ىشىندە 13 ەمحانا, 2 وتباسىلىق دەنساۋلىق ورتالىعى, 11 جەكە مەديتسينالىق ۇيىمى قىزمەت ەتەدى.
باستاپقى مەديتسينالىق-سانيتارلىق كومەككورسەتۋ ۇيىمدارىنىڭ جەلىسىن دامىتۋ مەملەكەتتىك-جەكەشە كاسىپورىنداردى تارتۋ ارقىلى تۇرعىن ۇيلەر القابىندا دامىتۋ كوزدەلىپ وتىر. بۇل رەتتە حالىقتىڭ ءوسىمى دە ەسكەرىلمەك. 2023 جىلى ەلوردالىقتاردىڭ سانى 1550 000 ادامعا جەتەتىنى بولجانىپ وتىر. ەگەر ءبىر ۋچاستوكتە 1500 ادام قامتىلادى دەپ ەسەپتەسەك,تاعى دا جاڭادان 326 ۋچاستوك اشىلۋى ءتيىس.
جالپى العاندا ەسەپتى كەزەڭدە ءبىر تۇرعىننىڭ امبۋلاتوريالىق-ەمدەۋ ورىندارىنا قارالۋى 2,69 بىرلىكتى قۇرايدى. ەلوردادا ەمدەۋ ورىندارىندا پاندۋستار, تۋرنيكەتتەر, كوزى ناشار كورەتىندەرگە ارنالعان جولدار مەن مۇمكىندىگى شەكتەۋلى جاندارعا ارنالعان بولەك سانيتارلىق بولمەلەر اشىلدى.
«استانا – smart city» جوباسى اياسىندا «اقىلدى قالانىڭ جارقىن ۇلگىسىنە اينالىپ كەلەدى. قالا تۇرعىندارى مەن قوناقتارى ۇيلەرىنەن شىقپاي-اق, سمارتفوندارىنداعى ءموبيلدى قوسىمشالار ارقىلى دارىگەردىڭ قابىلداۋىنا جازىلا الادى, ەمحاناعا تىركەلىپ, ءوز دەنساۋلىعىنا جانە باسقا دا سۇراقتارعا سۇراققا ينتەراكتيۆتى كەڭەس الۋعا مۇمكىندىگى بار.
ەلوردانىڭ دامۋ تاريحىمەن بىرگە وركەندەپ, كەلە جاتقان استانا قالاسىنىڭ دەنساۋلىق ساقتاۋ سالاسى زاماناۋي وزىق تەحنولوگيالار مەن ادىستەردى تەز مەڭگەرىپ, زامان تالابىنا ساي ارەكەت ەتە الاتىنى دالەلدەدى. وسى ورايدا ەلباسى جولداۋىنداعى جاڭا مىندەتتەر ءبىزدىڭ جۇمىسىمىزعا جاڭا سەرپىن بەرەدى دەپ ەسەپتەيمىز.
جازيرا ەمبەرديەۆا,
استانا قالاسىنىڭ قوعامدىق
دەنساۋلىق ساقتاۋ باسقارماسى
باسشىسىنىڭ ورىنباسارى
