استانا قالاسى ءماسليحاتىنىڭ دەپۋتاتى, №5 قالالىق ەمحانانىڭ باس دارىگەرى التىنشاش تابۋلدينا №8 قالالىق ەمحانا ۇجىمىمەن جۇزدەسىپ, ەلباسىنىڭ بيىلعى حالقىمىزعا ارناعان «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن تالقىلادى.
ءماسليحات دەپۋتاتى الدىمەن دارىگەرلەردى قازاقستان حالقىنىڭ بىرلىگى مەرەكەسىمەن قۇتتىقتاپ, ارىپتەستەرىنە ىزگى تىلەگىن ءبىلدىردى. ودان كەيىن مەملەكەت باسشىسىنىڭ جولداۋىنداعى نەگىزگى باسىمدىقتارعا توقتالدى.
– ەلىمىز 25 جىلدا كوپ جەتىستىكتەرگە قول جەتكىزدى. ەندى الدىمىزدا ۇلكەن اسۋ تۇر. ول – ەلباسى جولداۋىندا ايتىلعان 2050 جىلعا قاراي الەمدەگى ەڭ الدىڭعى قاتارلى 30 مەملەكەتتىڭ قاتارىنا قوسىلۋ. ءبىز وسى باعىتپەن ىلگەرى جۇرە بەرۋىمىز قاجەت. ماڭىزدى قۇجاتتا الەۋمەتتىك سالاعا كوپ باسىمدىق بەرىلگەن. ايتالىق, ەلىمىزدە حالىقارالىق تاجىريبەگە نەگىزدەلگەن مەديتسينالىق ساقتاندىرۋ جۇيەسى ەنگىزىلەدى. بۇل – مەديتسينا ماماندارى ءۇشىن ۇلكەن جاۋاپكەرشىلىك. ەندى ادامدار وزدەرىنىڭ سالىمدارى ءۇشىن بىزدەن ساپالى بىلىكتىلىكتى تالاپ ەتەدى. بۇگىندە مەملەكەتتىك ەمحانالارداعى دارىگەرلەردىڭ جالاقىسى از بولسا دا, سالماق كوپ. قالادا جەكە مەديتسينالىق مەكەمەلەر 14 پايىزدى قۇرايدى. ساقتاندىرۋ جۇيەسى ەنگىزىلگەننەن كەيىن تاڭداۋ ەمدەلۋشىگە تۇسەدى. سول كەزدە باسەكەلىك كۇشەيىپ, مەديتسينالىق قىزمەتتىڭ ساپاسى ارتادى, – دەدى التىنشاش جۇماشقىزى.
سونداي-اق, ول «نۇرلى جول» جانە «نۇرلى جەر» باعدارلاماسى تۋرالى سالماقتى ءسوز قوزعادى. ەلباسىنىڭ تاياۋدا «ەگەمەن قازاقستان» گازەتىندە جارىق كورگەن «بولاشاققا باعدار: رۋحاني جاڭعىرۋ» ماقالاسىندا ايتىلعان ويلارىمەن ءبولىستى.
كەزدەسۋدى №8 قالالىق ەمحانانىڭ باس دارىگەرى ايگۇل قاسىموۆا قورىتىندىلاپ, اق حالاتتى ابزال جاندارمەن بىرگە مەملەكەت باسشىسىنىڭ جولداۋىن جان-جاقتى تالقىلاعان التىنشاش تابۋلديناعا ريزاشىلىعىن ءبىلدىردى.
ازامات ەسەنجول
