Mega Silk Way
ساۋدا – ويىن-ساۋىق ورتالىعىنىڭ اشىلۋىنا بايلانىستى ەلوردانىڭ جول ءجۇرۋ كەستەسىنە وزگەرىستەر ەنگىزىلەدى.
ەلىمىزدەگى ەڭ ءىرى Mega Silk Way ساۋدا ورتالىعىنىڭ تەحنيكالىق اشىلۋى 6 ناۋرىزعا جوسپارلانىپ وتىر. ايتۋلى نىساننىڭ اۋدانى 140 مىڭ شارشى مەتردى قۇرايدى.
قوعامدىق كولىكتىڭ 11 باعدارى وسى نىساننىڭ جانىنان وتەدى. سونداي-اق, بۇل ماڭايدا ەكسپو قالاشىعى, نازارباەۆ ۋنيۆەرسيتەتى جانە باسقا دا كوپشىلىك باراتىن نىساندار بار. جاڭا ورتالىققا كۇندەلىكتى 30 مىڭداي, ال مەرەكە جانە دەمالىس كۇندەرى 45 مىڭداي كەلۋشىلەر بولادى دەپ بولجانىپ وتىر.
وسى جاعدايعا بايلانىستى ورتالىقتىڭ اشىلۋىنا وراي قابانباي باتىر داڭعىلى بويىنشا كولىك كەپتەلىسىنىڭ ءجيى بولۋىنا بايلانىستى ت.رىسقۇلوۆ كوشەسىنە بۇرىلۋ كەزىندە اينالۋعا تىيىم سالىندى. اينالۋ مۇمكىندىگى تۇران-قابانباي باتىر اينالماسىندا قولجەتىمدى بولادى.
گۇلدانا تالعاتقىزى