مەكتەپ وقۋشىلارىنا جالپى ءبىلىم بەرۋ قورى مەن «مەكتەپكە جول» اكتسياسى اياسىندا قولداۋ كورسەتىلەدى. جالپىعا بىردەي ءبىلىم بەرۋ قورى الەۋمەتتىك كومەككە مۇقتاج وقۋشىلارعا مەملەكەتتىك ءبىلىم بەرۋ ستاندارتىندا قاراستىرىلعان ءبىلىم الۋ ءۇشىن قاجەتتى جاعدايلارمەن قامتاماسىز ەتۋگە باعىتتالعان. ءار مەكتەپ سول قوردان بولىنگەن اقشانى بولۋمەن اينالىسادى.
ءبىزدىڭ كەڭەسشىمىز – نۇر-سۇلتان قالالىق ءبىلىم ءبولىمىنىڭ ستراتەگيا, تالداۋ جانە ساندىق تەحنولوگيالار ءبولىمىنىڭ باستىعى جازيرا اسانوۆا
كەلەسى ساناتتارعا كومەك كورسەتىلەدى:
1. مەملەكەتتىك اتاۋلى الەۋمەتتىك كومەك الۋعا قۇقىعى بار وتباسىلاردىڭ بالالارى (ااك).
2. تابىسى وتباسىنىڭ ءبىر مۇشەسىنە شاققانداعى كۇنكورىس دەڭگەيىنەن تومەن ااك المايتىن وتباسىلاردىڭ بالالارى (كىرىس مولشەرىن جىل باسىنان باستاپ اينالىم ايىنا جانە وتباسى مۇشەلەرىنىڭ سانىنا اتا-انالارى مەن 18 جاسقا دەيىنگى بالالار سانىنا ءبولۋ كەرەك).
3. جەتىم بالالار مەن اتا-اناسىنىڭ قامقورلىعىنسىز قالعان اسىراۋشى وتباسىلاردا تۇراتىن بالالار.
4. توتەنشە جاعدايلاردىڭ سالدارىنان جەدەل كومەككە ءزارۋ وتباسىلاردىڭ بالالارى.
5. ءبىلىم الۋشىلار مەن تاربيەلەنۋشىلەردىڭ باسقا ساناتتارىن ءبىلىم بەرۋ ۇيىمىنىڭ القالىق باسقارۋ ورگانى انىقتايدى.
انىقتاما ءبىلىم بەرۋ ۇيىمىندا تىركەلگەن اتا-انانىڭ ءوتىنىشى بويىنشا بولىنەدى. القالى ورگان – بۇل ءبىلىم بەرۋ ۇيىمىندا قۇرىلعان, ونىڭ ىشىنە اتا-انالار دا كىرەتىن كوميسسيا.
كومەك كەڭسە تاۋارلارى, مەكتەپ جانە سپورت كيىمدەرى, اياق كيىم تۇرىندە ۇسىنىلادى. سونىمەن قاتار كومەك جازعى لاگەرلەرگە بارۋدى, تاماقتانۋدى, مادەني جانە الەۋمەتتىك شارالارعا قاتىسۋدى قامتيدى. ەگەر وتباسى توتەنشە جاعدايدىڭ سالدارىنان زارداپ شەككەن بولسا, وندا ماتەريالدىق كومەك كورسەتۋگە رۇقسات ەتىلەدى. سونداي-اق نۇر-سۇلتان قالاسىندا ءماسليحات شەشىمىمەن جەڭىلدىكپەن ساياحات/جول ءجۇرۋ كارتالارىن تولتىرۋ قاراستىرىلعان.
كومەك كورسەتۋدى قاراپ شىعۋ ءۇشىن نەگىزدەمە قاجەت, بۇل, ەڭ الدىمەن, اتا-انانىڭ نەمەسە زاڭدى وكىلدىڭ ءوتىنىشى. ياعني, ەگەر اتا-انا ءوتىنىش بىلدىرمەگەن بولسا, مەكتەپ كومەكتەسە المايدى.
بۇل كومەكتى الۋ ءۇشىن ءسىز ديرەكتورعا ءوتىنىش جازىپ, كەلەسى قۇجاتتاردى قوسا بەرۋىڭىز كەرەك:
* قورعانشىلىقتى (قامقورشىلىقتى), پاتروناتتىق تاربيەلەۋدى (جەتىم بالالار مەن اتا-اناسىنىڭ قامقورلىعىنسىز قالعان وتباسىلاردا تاربيەلەنەتىن بالالار ءۇشىن) بەكىتۋ تۋرالى انىقتامانىڭ كوشىرمەسى;
* ءوتىنىش بەرۋشىنىڭ (وتباسىنىڭ) مەملەكەتتىك ااك الۋشىلارعا تيەسىلىگى انىقتاماسى;
* مەملەكەتتىك اتاۋلى الەۋمەتتىك كومەك المايتىن, جان باسىنا شاققانداعى ورتاشا تابىسى كۇنكورىس دەڭگەيىنەن تومەن وتباسىلاردىڭ بالالارى ءۇشىن الىنعان تابىسى تۋرالى مالىمەتتەر.
ەگەر اتا-انا بەلگىلى ءبىر سەبەپتەرمەن جالپىعا بىردەي ءبىلىم بەرۋ قورىنان كومەك الۋشىلار ساناتىنا كىرە الماسا, وندا وتباسىلارعا دەمەۋشىلەردى تارتا وتىرىپ, «مەكتەپكە جول» قايىرىمدىلىق اكتسياسى شەڭبەرىندە كومەك كورسەتىلەدى. جوعارى وقۋ ورىندارىنا گرانتتار بولىنەدى, كوللەدجدەردە مەملەكەتتىك تاپسىرىس قاراستىرىلعان. مەكتەپكە دەيىنگى ۇيىمداردا ورىن الۋ قۇقىعى – ءبىرىنشى كەزەكتە. قوسىمشا ءبىلىم بەرۋ ۇيىمدارىندا جەڭىلدىكتەر قاراستىرىلعان.
جادىرا مۇراتبەكوۆا
