جىل سوڭىنا دەيىن ەلورداداعى مەملەكەتتىك قىزمەتتەردى 100% تسيفرلاندىرۋ جوسپارلانۋدا. بۇل تۋرالى بريفينگ بارىسىندا نۇر-سۇلتان قالالىق تسيفرلاندىرۋ جانە مەملەكەتتىك قىزمەتتەر باسقارماسىنىڭ باسشىسى بوتاگوز قاسابەك اتاپ ءوتتى.
«تسيفرلاندىرۋ باسقارماسى قۇرىلعان ساتتە نۇر-سۇلتان قالاسىنىڭ اكىمدىگى 160 قىزمەت كورسەتتى. قازىرگى ۋاقىتتا ءبىز وسى قىزمەتتەردى ەلەكتروندى فورماتقا كوشىرۋ بويىنشا جۇمىس جۇرگىزىپ جاتىرمىز. جىل سوڭىنا دەيىن مەملەكەتتىك قىزمەتتەردى 100% تسيفرلاندىرۋ جوسپارلانعان» دەدى ب.قاسابەك.
ونىڭ ايتۋىنشا, ءبىلىم وشاقتارىنا جىل سوڭىنا دەيىن 4 752 كامەرا ورناتۋدى جوسپارلانعان. وسىلايشا, ەلورداداعى مەكتەپتەر 100% بەينەباقىلاۋمەن قامتىلاتىن بولادى.
بۇگىنگى تاڭدا وقۋ ورىندارى كومپيۋتەرلىك تەحنيكامەن جانە ينتەرنەت جەلىسىمەن تولىق جابدىقتالعان. سونداي-اق وندا روبوتوتەحنيكا كابينەتتەرى مەن STEM-زەرتحانالار اشىلدى. سونىمەن قاتار مەكتەپ اسحانالارىندا قولما-قول اقشاسىز تولەم ەنگىزىلدى, سونىڭ ارقاسىندا اتا-انالار بالالارىنىڭ تاماقتانۋىن باقىلاي الادى.
وقۋشىلاردىڭ مۇمكىندىگىن اشۋ ءۇشىن ەلوردادا جىل سايىن تەحنيكالىق ءبىلىم بەرۋ سالاسىنداعى بارلىق سوڭعى جەتىستىكتەردى قامتيتىن عىلىمي-ءبىلىم بەرۋ STEM-وليمپيادالارى وتكىزىلەدى. وليمپيادا ينجەنەريا, باعدارلامالاۋ, روبوتوتەحنيكا جانە 3D-مودەلدەۋ سياقتى عىلىمداردان تۇرادى.
