«مەملەكەتتىك ءتىل جانە باق» رەسپۋبليكالىق بايقاۋىنىڭ ەرەجەسى

قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى مەملەكەتتىك ءتىل ساياساتىن بۇقارالىق اقپارات قۇرالدارىندا كەڭىنەن ناسيحاتتاۋ, مەملەكەتتىك ءتىلدىڭ قازاق جانە ورىس ءتىلدى باسىلىمداردا ناسيحاتتالۋ بەلسەندىلىگىن ارتتىرۋ ماقساتىندا «مەملەكەتتىك ءتىل جانە باق» رەسپۋبليكالىق بايقاۋىن وتكىزەدى.

بۇل بايقاۋعا ەلىمىزدىڭ قوعامدىق ومىرىندە مەملەكەتتىك ءتىلدىڭ قىزمەت ەتۋ اياسىن كەڭەيتۋ مەن مارتەبەسىن نىعايتۋ ماقساتىندا قازىرگى مەملەكەتتىك ءتىلدىڭ احۋالى تۋرالى وتكىر دە وزەكتى ماقالالار (باعدارلامالار) جاريالاعان جەكەلەگەن جۋرناليستەر قاتىسا الادى.
بايقاۋ ءتورت نوميناتسيادان تۇرادى:

– «ۇزدىك ماقالا» ء(باسپاسوز بويىنشا );
– «ۇزدىك تەلەارنا باعدارلاماسى» (تەلەارنا باعدارلامالارى بويىنشا);
– «ۇزدىك راديو باعدارلاماسى» (راديو باعدارلامالارى بويىنشا);
– «ۇزدىك سايت ماقالاسى» (سايت ماتەريالدارى بويىنشا).

بايقاۋ قازاق جانە ورىس تىلدەرىندە جارىق كورگەن جاريالانىمداردى, ەفيردەن وتكەن حابارلاردى, قازاق تىلىندە جۇمىس ىستەپ جاتقان ارنايى سايتتاردى قامتيدى. اتالعان رەسپۋبليكالىق بايقاۋعا ەلوردانىڭ اتىنان قاتىسۋشىلاردىڭ جولداناتىن ماقالالارى مەن باعدارلامالارى, سونداي-اق ولار (اۆتورلار, جۋرناليستەر) تۋرالى تولىق مالىمەت ەرەجە تالاپتارىنا سايكەس قابىلدانادى. بايقاۋ ماتەريالدارى جاريالانعان كۇيىندە (گازەت-جۋرنال بەتتەرىندە, بەينە جانە اۋديوكاسسەتالار تۇرىندە) استانا قالاسىنىڭ تىلدەردى دامىتۋ باسقارماسىنا 6 ماۋسىمعا دەيىن جولدانۋ كەرەك.
قازىلار القاسىندا سارالانىپ, ۇزدىك دەپ تانىلعان جۇلدەگەرلەردىڭ ەسىمى 2014 جىلعى 25 ماۋسىمدا انىقتالادى. باعالى سىيلىقتارمەن ماراپاتتاۋ ءراسىمى استانا قالاسىندا وتەدى.
بايقاۋعا ۇسىنىلاتىن ماتەريالدار 2014 جىلعى 6 ماۋسىمعا دەيىن مىنا مەكەنجايعا (ەل.پوشتا, بايلانىس تەل.) جولدانۋى ءتيىس:

استانا قالاسى اكىمدىگىنىڭ عيماراتى, بەيبىتشىلىك ك-ءسى, 11.
بايلانىس تەلەفوندارى:
55-67-25, 55-72-86 (فاكس)
E-mail: e.ensebaev@uya.astana.kz
جاۋاپتى: ە. ەڭسەباەۆ (87753350414)