نۇر-سۇلتان قالاسىندا تۇڭعىش پرەزيدەنت كۇنى مەرەكەسىندە 100-دەن اسا الەۋمەتتىك سالا قىزمەتكەرى پاتەر كىلتتەرىن الدى. بۇل تۋرالى قالا باسشىسى التاي كولگىنوۆ ينستاگرام پاراقشاسىندا جازدى.
«اتالعان پاتەرلەردى قازاقستاندىق يپوتەكالىق كومپانياسىمەن بىرلەسىپ, جىلدار بوي̆ى كەزەكتە تۇرعاندارعا بەردىك. بۇل باعدارلاما اياسىندا 1 مىڭعا جۋىق پاتەر بەرۋ جوسپارلانىپ وتىر. 350-دەن استامى بەرىلدى, بۇگىن ءوز پاتەرلەرىنە 100-دەن استام وتباسى كىردى.
بۇعان دەي̆ىن قيك الەۋمەتتىك پاتەر الۋشىلار ساناتىن ەداۋىر كەڭەي̆تتى, تىزىمگە مەديتسينا قىزمەتكەرلەرى مەن مۇعالىمدەردەن باسقا الەۋمەتتىك قىزمەتكەرلەر, توتەنشە جاعداي̆لار دەپارتامەنتىنىڭ, پوليتسيا دەپارتامەنتىنىڭ قىزمەتكەرلەرى, مادەنيەت جانە سپورت قاي̆راتكەرلەرى كىردى. ولاردىڭ كوپشىلىگى كوروناۆيرۋسپەن كۇرەستە الدىڭعى شەپتە, ادام ءومىرىن ساقتاپ, بالالارىمىزدى وقىتىپ, قالادا قاۋىپسىزدىكتى قامتاماسىز ەتەدى.
بۇل تۇرعىن ءۇي̆ باعدارلاماسى باسقالاردان ەرەكشە. باستاپقى جارنا قاجەت ەمەس, پاتەردى ساتىپ الۋعا بولادى, جالداۋ اقىسى ءبىر شارشى مەتر ءۇشىن 1455 تگ قۇراي̆دى. مەملەكەت باسشىسىنىڭ تاپسىرماسىنا سايكەس بيىل قولجەتىمدى جەڭىلدىكتى تۇرعىن ءۇي قۇرىلىسىنىڭ كولەمى ۇلعايتىلدى. الداعى ۋاقىتتا بىرنەشە ءۇيدىڭ كىلتتەرى تاپسىرىلادى!» دەپ جازدى التاي كولگىنوۆ.
