نۇر-سۇلتان قالاسىنىڭ دەنە شىنىقتىرۋ جانە سپورت باسقارماسى «ازىرەت سۇلتان» مەشىتىنىڭ اۋماعىندا قۇربان ايت مەرەكەسىنە وراي جاماعات اراسىندا ۇلتتىق ويىن تۇرلەرىنەن سپورتتىق سايىستار ۇيىمداستىردى.
مەشىت اۋماعىنا جينالعان قاۋىم اسىق اتۋ, ارقان تارتىس, قول كۇرەسى جانە گىر تاسىن كوتەرۋ سىندى سپورت تۇرلەرىنەن سىنعا ءتۇستى. ەلدىڭ كوڭىلىن كوتەرگەن سايىستاردى تاماشالاعان جانكۇيەرلەر دە قاتىسۋشىلارعا قوشەمەتىن كورسەتە ءبىلدى.
سپورتتىق سايىستاردىڭ قورىتىندىسىندا جەڭىمپاز بولعاندار مەن جۇلدەگەر اتانعان ازاماتتاردىڭ بارىنە ۇيىمداستىرۋشىلار تاراپىنان العىس حاتتار مەن سىيلىقتار بەرىلدى. سونداي-اق جارىستان كەيىن مەرەكەلىك سىنعا تۇسكەن ازاماتتار كيىز ۇيدە ارنايى جايىلعان داستارقاننان ءدام تاتتى. باس ءمۇفتي ناۋرىزباي قاجى تاعانۇلى باستاعان مەشىت قىزمەتكەرلەرى جينالعان قاۋىمعا باتالارىن بەرىپ, ريزاشىلىقتارىن ءبىلدىردى.
