ەلوردادا Nur Otan پارتياسىنىڭ مۇشەلەرى مۇگەدەكتەردى وڭالتۋ جانە گازداندىرۋ ماسەلەلەرىن تالقىلادى.
ينكليۋزيۆتى قوعام جانە گازداندىرۋ ماسەلەلەرى – Nur Otan پارتياسىنىڭ تۇراقتى باقىلاۋىندا. مونيتورينگتىڭ ەڭ وزەكتى ماسەلەسى كومەك سۇراپ حابارلاسقان مۇمكىندىگى شەكتەۋلى جانداردى قازىرگى زامانعى تەحنيكالىق قۇرالدارمەن جانە ارنايى ءجۇرىپ-تۇرۋ قۇرالدارىمەن قامتاماسىز ەتۋ بولىپ تابىلادى.
«وزگەرىستەر جولى: ءار ازاماتقا لايىقتى ءومىر!» اتتى Nur Otan پارتياسىنىڭ نۇر-سۇلتان قالاسى بويىنشا سايلاۋالدى باعدارلاماسىن ورىنداۋ جونىندەگى جول كارتاسىن ىسكە اسىرۋ باعىتتارىنىڭ ءبىرى تۇرعىن ءۇي الاپتارىن گازداندىرۋ ماسەلەسى بولىپ تابىلادى. بۇل حالىقتى تابيعي گازعا كوشۋگە ىنتالاندىرۋدى كوزدەيدى.
نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينانىڭ ايتۋىنشا, بۇگىندە 14 227 مۇگەدەكتىگى بار ازاماتتىڭ ءوتىنىشى قابىلدانىپ, الەۋمەتتىك قىزمەتتەر پورتالىنا جىبەرىلدى. قازىرگى ۋاقىتتا ولاردىڭ 80 پايىزى تەحنيكالىق قۇرالدارمەن قامتاماسىز ەتىلگەن.
الەۋمەتتىك وسال توپ وكىلدەرىنە 90 اەك (262 530 تەڭگە) كولەمىندە بىرجولعى الەۋمەتتىك كومەك قاراستىرىلعان. حالىقتى تابيعي گازعا كوشىرۋ ءۇشىن ىنتالاندىرۋ ماقساتىندا 127 وتباسىعا كومەك راسىمدەلدى, ونىڭ ىشىندە 110 وتباسى تولەم الدى. جىل سوڭىنا دەيىن تاعى 100 ازامات الەۋمەتتىك كومەككە يە بولادى.
وتىرىس قورىتىندىسى بويىنشا, پارتيا مۇشەلەرى نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنا جول كارتاسىنىڭ 46-تارماعى بويىنشا حالىقتىڭ وسال توپتارىنا تولەنەتىن قارجى سوماسىن قايتا ەسەپتەۋ جانە قايتا قاراۋ ءۇشىن مونيتورينگ پەن تالداۋ جۇرگىزۋدى, سونداي-اق قالالىق پارتيالىق باقىلاۋ كوميسسياسىندا جول كارتاسىنىڭ 19-تارماعىن قاراۋدى ۇسىندى.
