«قازاقستان رەسپۋبليكاسىنداعى مۇگەدەكتەردى الەۋمەتتىك قورعاۋ تۋرالى» زاڭىنا سايكەس, قازاقستان رەسپۋبليكاسىنداعى مۇگەدەكتەر كونستيتۋتسيادا جانە باسقا دا زاڭ اكتىلەرىندە بەكىتىلگەن الەۋمەتتىك-ەكونوميكالىق, جەكە قۇقىق جانە بوستاندىقپەن قاتار, مىنالارعا قۇقىلى:
– ءبىلىم الۋعا, قىزمەتتى, سونىمەن قاتار ەڭبەكتى ءوز ەركى بويىنشا تاڭداۋعا,
– كاسىپتىك جەتىلدىرۋ جانە قايتا جەتىلدىرۋ, ەڭبەككە قابىلەتتىلىكتى جانە جۇمىسقا ورنالاسۋدى قالىپقا كەلتىرۋگە.
جەرگىلىكتى اتقارۋشى ورگاندار مۇگەدەكتەردى جۇمىسپەن قامتۋدى مىنا جولدارمەن قامتاماسىز ەتەدى:
1) جۇمىسشىلاردىڭ جالپى سانىنىڭ ءۇش پايىزى كولەمىندە مۇگەدەكتەرگە ارنالعان جۇمىس ورنى كۆوتاسىن بەلگىلەۋ.
2) شاعىن, ورتا بيزنەس, جەكە كاسىپكەرلىكتى دامىتۋ ارقىلى مۇگەدەكتەرگە قوسىمشا جۇمىس ورىندارىن قۇرۋ.
3) قازاقستان رەسپۋبليكاسىنىڭ زاڭىنا سايكەس مۇگەدەكتەرگە ارنالعان الەۋمەتتىك جۇمىس ورىندارىن قۇرۋ .
4) مۇگەدەكتەردى كاسىپتىك وقىتۋدى ۇيىمداستىرۋ.
2014 جىلعى 17 قاڭتارداعى «قازاقستان جولى-2050: ءبىر ماقسات, ءبىر مۇددە, ءبىر بولاشاق» جولداۋىندا مەملەكەت باسشىسى ازاماتتاردىڭ الەۋمەتتىك جايلىلىعىن قۇرايتىن ءۇش ماڭىزدى نارسەنى اتاپ ايتتى: بۇل – ءبىلىم بەرۋ, دەنساۋلىق ساقتاۋ جانە حالىقتى الەۋمەتتىك قورعاۋ.
مۇقتاجدى ازاماتتاردى, بارىنەن بۇرىن, مۇمكىندىگى شەكتەۋلى جانداردى الەۋمەتتىك قورعاۋ ماسەلەلەرى باسا ايتىلدى. مەملەكەت باسشىسى زاماناۋي وركەنيەتتى قوعام قۇرۋدا ونىڭ ماڭىزى زور ەكەندىگىنە ايرىقشا توقتالدى.
مەملەكەت باسشىسى جولداۋىن ىسكە اسىرۋ جالپىۇلتتىق ءىس-شارالار جوسپارىن ورىنداۋ ماقساتىندا ءتيىستى ۋاكىلەتتى ورگاندارعا مۇمكىندىگى شەكتەۋلى جانداردى جۇمىسقا ورنالاستىرۋ جانە ولارعا قولجەتىمدى ينفراسترۋكتۋرا, ياعني, «كەدەرگىسىز ورتا» قۇرۋ بويىنشا ۇسىنىس ەنگىزۋ تاپسىرىلدى.
وسى ورايدا, مەملەكەتتىك ەڭبەك ينسپەكتورلارى 2014 جىلدىڭ قاڭتار ايىنان باستاپ, قازاقستان رەسپۋبليكاسى پرەزيدەنتىنىڭ 2014 جىلعى 17 قاڭتارداعى «قازاقستان جولى-2050: ءبىر ماقسات, ءبىر مۇددە, ءبىر بولاشاق» جولداۋىن ءتۇسىندىرۋ بويىنشا كاسىپكەرلىك سۋبەكتىسى ۇجىمدارىمەن كەزدەسۋلەر وتكىزۋدە.
قازاقستان رەسپۋبليكاسىنىڭ ەڭبەك كودەكسىنىڭ 222-بابىنا سايكەس, مۇگەدەكتەر ادەتتەگىدەي ەڭبەك جاعدايلارى بار نە مۇگەدەكتەر ەڭبەگىن پايدالاناتىن مامانداندىرىلعان ۇيىمداردا جۇمىس بەرۋشىلەرمەن ەڭبەك شارتتارىن جاساۋعا قۇقىلى.
مەديتسينالىق قورىتىندى بويىنشا دەنساۋلىق جاعدايى ەڭبەك مىندەتتەرىن ورىنداۋعا كەدەرگى كەلتىرەتىن نە ونىڭ دەنساۋلىعىنا جانە (نەمەسە) باسقا ادامدار ەڭبەگىنىڭ قاۋىپسىزدىگىنە قاتەر توندىرەتىن جاعدايلاردى ەسەپكە الماعاندا, جۇمىس بەرۋشىگە مۇگەدەكتىگىن سىلتاۋ قىلىپ, ەڭبەك شارتىن جاساسۋدان باس تارتۋعا, مۇگەدەكتى باسقا جۇمىسقا اۋىستىرۋعا, ەڭبەك جاعدايلارىن وزگەرتۋگە تىيىم سالىنادى.
ءوز كەزەگىندە, مەملەكەتتىك ينسپەكتورلار كاسىپكەرلىك سۋبەكتىلەرىنە تەكسەرۋ جۇرگىزۋ بارىسىندا, كاسىپورىن باسشىلارىنىڭ قر ەڭبەك كودەكسى بويىنشا, مۇگەدەكتەردى جۇمىسقا ورنالاستىرۋ ەرەكشەلىگىنىڭ ورىندالۋىنا باسا نازار اۋدارۋىنا كوڭىل بولەدى.
ق. ىسقاقوۆ,
استانا قالاسىنىڭ ەڭبەك ينسپەكتسياسى باسقارماسى باسشىسىنىڭ ورىنباسارى م.ا.
