كەشە «حان شاتىر» ويىن-ساۋىق-ساۋدا ورتالىعىندا استانا قالاسى اكىمدىگى حالىقتى جۇمىسپەن قامتۋ ورتالىعىنىڭ ۇيىمداستىرۋىمەن مۇگەدەكتەر كۇنىنە ارنالعان شاعىن كونتسەرت ءوتتى.
جالپى, جىل باسىنان بەرى حالىقتى جۇمىسپەن قامتۋ ورتالىعى 552 مۇمكىندىگى شەكتەۋلى جاننىڭ جۇمىسپەن قامتىلۋىنا جاعداي جاساعان. سونىڭ ىشىندە 173 ادام تۇراقتى جۇمىسقا ورنالاسسا, الەۋمەتتىك جۇمىس ورىندارىنا 24 ادام, جاستار تاجىريبەسى باعدارلاماسى بويىنشا 10 ادام جۇمىسقا جولداما العان. ال 333 مۇمكىندىگى
شەكتەۋلى جان قوعامدىق جۇمىستارمەن قامتىلسا, 12 ادام ەڭبەك نارىعىنداعى سۇرانىسقا يە ماماندىقتار بويىنشا قىسقا مەرزىمدى كۋرستاردا وقۋعا مۇمكىندىك العان.
– وسى ايدىڭ باسىندا مۇمكىندىگى شەكتەۋلى جاندارعا ارنالعان بوس جۇمىس ورىندار جارمەڭكەسىن وتكىزگەن بولاتىنبىز. سول جارمەڭكە ناتيجەسىندە تالاي ادام جۇمىسپەن قامتىلعان ەدى. ال بۇگىنگى كونتسەرت سول شارانىڭ قورىتىندىسى رەتىندە وتكىزىلىپ وتىر, – دەيدى جۇمىسپەن قامتۋ ورتالىعى ديرەكتورىنىڭ كەڭەسشىسى ارنۇر يسكاكوۆ.
شارا بارىسىندا مۇمكىندىگى شەكتەۋلى جانداردى جۇمىسقا قابىلداۋدا بەلسەندىلىك تانىتقان «قازاگرو» ۇلتتىق باسقارۋشى حولدينگى», «اۋىل شارۋاشىلىعىن قارجىلاي قولداۋ قورى», «ەگەمەن قازاقستان» رەسپۋبليكالىق گازەتى», «سايران بىرلەستىگى», تۇران-استانا ۋنيۆەرسيتەتى سياقتى ۇزدىك 10 جۇمىس بەرۋشى مەكەمەلەر استانا قالاسىنىڭ اكىمى اسەت يسەكەشەۆ پەن جۇمىسپەن قامتۋ ورتالىعىنىڭ العىس حاتتارىمەن ماراپاتتالدى.
