ەلوردادا قالا تۇرعىندارى مەن قوناقتارى ءۇشىن اشىلعان مۇز ايدىندا تەگىن قىزمەت كورسەتىلەدى.
اشىق اسپان اياسىنداعى مۇز ايدىنى NUR ALEM بولاشاق ەنەرگياسى مۇراجايىنىڭ ماڭىندا ورنالاسقان. 150 ادامعا ارنالعان ايدىن 1300 شارشى مەتردى الىپ جاتىر.
جۇمىس كۇندەرى ساعات 12:00-دەن 23:00-گە دەيىن, دەمالىس كۇندەرى ساعات 10:00-دەن 23:00-گە دەيىن جۇمىس ىستەيدى.
كەلۋشىلەر ءۇشىن كيىم اۋىستىراتىن بولمە, قوعامدىق تاماقتانۋ ورىندارى جانە تاۋلىك بويى جۇمىس ىستەيتىن 3 مىڭ اۆتوموبيلگە ارنالعان جەراستى تۇراعى قاراستىرىلعان. ايدىنعا ءوز كونكيىمەن كىرۋگە بولادى, ال كونكيى بولماعان جاعدايدا ءدال سول جەردە جالعا الادى.
