ۇلتتىق مۋزەيدە حالىقارالىق مۋزەيلەر كۇنىنە وراي «مۋزەي ءتۇنى» شاراسى اياسىندا «مۋزەي قۇدىرەتى» اتتى مادەني-تانىمدىق كەش ءوتتى
قورعانىس مينيسترلىگى مەن ۇلتتىق ۇلان قۇرمەتتى قاراۋىل روتاسىنىڭ جانە اسكەري وركەسترلەرىنىڭ سالتاناتتى كەشتى باستاپ, «استانا وپەرا» تەاترىنىڭ وركەسترى, «استانالىق» تسيرك ونەرپازدارىنىڭ قويىلىمى, ە.راحماديەۆ اتىنداعى مەملەكەتتىك اكادەميالىق فيلارمونياسىنىڭ كلاسسيكالىق جانە ەسترادا ءبولىمىنىڭ كونتسەرتى, تەاترلاندىرىلعان ەكسكۋرسيا مەن نۇر-سۇلتان قالاسى «شاڭىراق» تەاترىنىڭ كورىنىسى كورەرمەن نازارىنا ۇسىنىلدى.
«جۇلدىزدى گيد» جوباسى اياسىندا حالىقارالىق بايقاۋلاردىڭ لاۋرەاتتارى رۋحيا بايدۇكەنوۆا, اقەركە تاجىباەۆا, سەۆدا اليەۆا, ءادىلحان ماكين جانە تەلەجۇرگىزۋشىلەر گۇلناز الىمگەرەي, ايگەرىم ەسەنالى كەلۋشىلەردى مۋزەي زالدارىمەن تانىستىردى.
مۋزەي قىزمەتكەرلەرى بالالارعا ارنالعان ويىندار مەن ۆيكتورينالىق سايىستار وتكىزىپ, قۇندى جادىگەرلەردى قالپىنا كەلتىرۋ ۇدەرىسى كورسەتىلدى. شارا اياسىندا قازاقستان بەينەلەۋ ونەرىنىڭ كلاسسيك جانە زاماناۋي سۋرەتشىلەرىنىڭ كەسكىندەمە تۋىندىلارىنان جيناقتالعان تۇراقتى ەكسپوزيتسيالىق زالىنىڭ اشىلۋى ءوتتى. ءان-بي باعدارلامالارى, قولونەر شەبەرلەرىنىڭ كورمە-جارمەڭكەسى جانە باسقا دا اسەرلى دۇنيەلەر ۇسىنىلدى.
