جازدىڭ باسىندا استانا قالاسى اكىمدىگىنىڭ قولداۋىمەن باس قالانىڭ 25 جىلدىعىن مەرەكەلەۋ اياسىندا «استانا – مەنىڭ وتانىمنىڭ ەلورداسى» الەۋمەتتىك تۋرى باستالعان ەدى. بۇل ساپار وڭىرلەردەگى بالالاردى استانامەن تانىستىرۋ ءارى جازعى دەمالىستارىن اسەرلى وتكىزۋ ءۇشىن ۇيىمداستىرىلدى.
جوبا شەڭبەرىندە ايماقتارداعى 1000 بالا باس شاھاردىڭ كورىكتى جەرلەرىن تاماشالايدى. ولاردىڭ قاتارىندا از قامتىلعان جانە كوپبالالى وتباسىلاردىڭ بالالارى مەن ءتۇرلى سايىستاردىڭ جەڭىمپازدارى بار. بالالار 3 كۇندىك جولداما ارقىلى استانانىڭ تاريحي-مادەني نىساندارىن ارالايدى.
وسى ۋاقىتقا دەيىن ەلورداعا 600-دەن استام بالا كەلدى. ولار ءتۇرلى ويىن-ساۋىق باعدارلامالارىنا قاتىستى. «استانا-بايتەرەك» مونۋمەنتى, «نۇر-الەم» بولاشاق مۇراجايى, تۇڭعىش پرەزيدەنتىنىڭ مۇراجايى, ۇلتتىق مۋزەي, «اتامەكەن: قازاقستان كارتاسى» ەتنو-مەموريالدىق كەشەنىن, باس قالانىڭ جاڭا مەشىتى سياقتى استانانىڭ كورنەكتى نىساندارىن تاماشالادى. «وكەاناريۋمدا», قالانىڭ ساياباقتارىندا بولىپ, قازاقستانداعى ەڭ ۇلكەن اينالما دوڭگەلەكتە وتىرىپ, قالانى زاۋ بيىكتەن كوردى.
بالالاردىڭ ساياحاتىن استانا قالاسىنىڭ اكىمدىگى تولىقتاي قارجىلاندىرعان. جاتىن ورنىمەن جانە ءۇش مەزگىل تاماقپەن قامتىپ, قالا ىشىندە ارنايى اۆتوبۋسپەن جۇرۋگە مۇمكىندىك جاسادى.
