بۇقارالىق اقپارات وكىلدەرى استانا قوعامدىق دەنساۋلىق ساقتاۋ باسقارماسى مەديتسينالىق اقپاراتتىق بايلانىس ورتالىعىندا (ساll-centre) بولىپ, ونىڭ جۇمىسىمەن تانىستى.
«1430» نومىرىنە تەلەفون شالۋ ارقىلى ادام دەنساۋلىعىنا قاتىستى, قالانىڭ مەديتسينا سالاسى قىزمەتىنىڭ ساپاسى, مەكەمەلەردىڭ جۇمىسىنا قاتىستى كەز كەلگەن ءوتىنىش-تالاپتى ايتىپ, سۇراقتارىنىڭ جاۋابىن الۋعا بولادى. ول ءۇشىن ورتالىقتا 41 قىزمەتكەر, ونىڭ ىشىندە 29 وپەراتور, 9 مەديتسينالىق كەڭەسشى, 1 عىلىمي جەتەكشى جۇمىس ىستەيدى.
سونىمەن بىرگە, كەلىپ تۇسكەن اقپاراتتاردى تىركەپ, ونى رەتىنە قاراي ءتيىستى مەديتسينالىق مەكەمەلەرگە تاراتىپ, ونىڭ جۇزەگە اسىرىلۋىنا دا باقىلاۋ جاساي الادى. مىسالى, ورتالىققا وتكەن ايدا 52 مىڭ ادام حابارلاسسا, جىل باسىنان بەرى 217 مىڭ قوڭىراۋ شالىنىپ, تۇرعىندار ءوز سۇراقتارىنىڭ جاۋابىن العان.
بۇل قىزمەتتىڭ ءتيىمدى جەرى – ادام دەنساۋلىعىنا قاتىستى جايتتاردى, العاشقى كەڭەستى دارىگەرلەردەن بىلۋگە بولادى. جاعدايعا قانىققان تاجىريبەلى دارىگەر باعىت سىلتەپ, ءارى قاراي وقيعانىڭ دۇرىس وربۋىنە جول كورسەتەدى.
بۇدان بولەك, استانالىقتاردىڭ اراسىندا ءتۇسىندىرمە جۇمىستارىن دا جۇرگىزە الادى. امبۋلاتوريالىق ءدارى-دارمەكتەرمەن قامتاماسىز ەتۋ, مىندەتتى مەديتسينالىق ساقتاندىرۋ قورىنا قاتىستى ماسەلەلەر دە جاقسى كەڭەسشى بولا الادى. وسى قىزمەتتىڭ جاۋاپتى باسشىسى ءلاززات رىسپەكوۆا ورتالىققا كۇنىنە 2 مىڭداي ادام حابارلاساتىنىن ايتتى.
