ن. نازارباەۆ: قازاقستاندىقتاردىڭ 77 پايىزىنىڭ سايلاۋعا قاتىسۋى – تاريحىمىزداعى ايتۋلى وقيعا

«قۇرمەتتى وتاندارستار, فورۋمعا جينالعان بارشا قاۋىم, ءبارىڭىزدى كەشەگى وتكەن سايلاۋداعى جەڭىسىمىزبەن شىن جۇرەگىمنەن قۇتتىقتايمىن! «نۇر وتان» پارتياسىنىڭ جەڭىسى – ءبىزدىڭ حالقىمىزدىڭ جەڭىسى. مۇنداي بىراۋىزدىقتى مىناۋ الاساپىران زاماندا ەشبىر ەل, حالىق كورسەتىپ وتىرعان جوق. ءبىزدىڭ قازاقستاندىقتاردىڭ ەرەكشەلىگى ءدال وسىندا. بۇكىل دۇنيەنىڭ الدىندا 25 جىلدىڭ مەرەيتويىمىزدىڭ قارساڭىندا 60 مەملەكەتتىڭ, ءوزىمىزدىڭ باقىلۋشىلار, 200-دەن استام باق وكىلدەرى, دۇنيەجۇزىنىڭ اقپارات قۇرالدارىنىڭ ورتالىقتارى ءبىزدىڭ سايلاۋىمىزدى دەموكراتيانىڭ شىڭىندا دەپ ايتتى. بۇل ءبىزدىڭ جەتىستىگىمىز. قازاقستان بۇدان بىلاي ءوزىنىڭ شىنايى دەموكراتيالى ەل ەكەنىن, وسىنداي اشىق, زاڭدى تۇردە سايلاۋ وتكىزەتىنىن جانە كوپپارتيالىق بولاتىنىن بۇكىل الەمگە دالەلدەدى. مىنەكي, ءبىزدىڭ جەتىستىگىمىزدىڭ ەڭ ۇلكەنى وسى», – دەدى پرەزيدەنت فورۋمدا.

سونىمەن, بۇل جولى دا پارلامەنت ماجىلىسىنە ءۇش ساياسي پارتيا ءوتىپ وتىر. 7 بالدىق شەكتى «نۇر وتان»,»اق جول» جانە «قازاقستان كوممۋنيستىك xالىقتىق پارتياسى» باعىندىردى.

astana-akshamy.kz