نيۋ-يوركتە قازاق ءانى شىرقالدى
![](https://astana-akshamy.kz/wp-content/uploads/2022/08/291018218_1493533614415027_856195532834757749_n.jpg)
نيۋ-يوركتەگى كارنەگي-حوللدا وتكەن Viva Music Carnegie Hall بايقاۋىنا قازاقستان اتىنان قاتىسقان ەسترادا جانە دجاز ءانشىسى گۇلزار عابدراحمان ءبىرىنشى ورىندى يەلەندى.
نيۋ-يورك تورىندە شىمىلدىق تۇرگەن بىرنەشە كەزەڭنەن تۇرعان حالىقارالىق بايقاۋدا الەمنىڭ تۇكپىر-تۇكپىرىنەن جينالعان انشىلەر ونەر كورسەتتى. گۇلزار عابدراحمان بۇل بايقاۋدا «دۋداراي» ءانىن شىرقادى.
تالانتتى دا, تالاپتى قازاق ءانشىسى – قازاق ۇلتتىق ونەر ۋنيۆەرسيتەتىنىڭ تۇلەگى. ماسكەۋ مەملەكەتتىك مادەنيەت ينستيتۋتىنىڭ ماگيستراتۋراسىن دا ءبىتىردى. رەسەي استاناسىندا ول بەلگىلى ءانشى, رەسەي حالىق ءارتىسى لاريسا دولينانىڭ شەبەرحاناسىن اياقتادى.
ونەر گۇلزاردىڭ بويىنا اتا قانىمەن دارىعان. اتاسى يگىلىك وماروۆ قازاققا اتى ءمالىم ءانشى ەدى. بىراق تۇبەگەيلى ونەر جولىن قۋماي, تۋعان اۋىلىندا تالاي جىل مۇعالىم بولدى. گۇلزار دا باستاپقىدا ءانشى بولامىن دەپ ويلامادى. اقپاراتتاندىرۋ جانە جۋرناليست ماماندىقتارىن مەڭگەردى. الايدا ونەرگە قۇشتارلىعى جەڭىپ, وسى جولعا ءتۇستى. تابىسسىز ەمەس. وسى كۇنگە دەيىن كوپتەگەن رەسپۋبليكالىق جانە حالىقارالىق بايقاۋلارعا قاتىستى. ءۇش جىل بۇرىن لوندوندا وتكەن «البيون جۇلدىزدارى-2019» حالىقارالىق بايقاۋىندا حالىق ءانى «ياپۋرايدى» ورىنداپ, باس جۇلدەنى يەلەندى.
بايان اسىلبەكوۆا