ەلوردادا ۇلىستىڭ ۇلى كۇنى – ءاز-ناۋرىز مەرەكەسى سارىارقا اۋدانىنان باستالدى. اۋدان اۋماعىندا «باۋىرساق Time» فەستيۆالى ۇيىمداستىرىلىپ, ءبىر اپتاعا دى. اۋدان اۋماعىندا «باۋىرساق Time» فەستيۆالى ۇيىمداستىرىلىپ, ءبىر اپتاعا جالعاستى. ونىڭ بارىسىندا 30 مىڭ باۋىرساق ءپىسىرىلىپ, حالىققا تاراتىلدى. استانا ارباتىندا جەرگىلىكتى ونەرپازدار جۇرتتىڭ كوڭىلىن كوتەردى. مەرەكە وتكەن سەنبى-جەكسەنبى كۇندەرى حالىقتىق سەرۋەندەرگە ۇلاستى.
استانا قالاسى مەملەكەتتىك اكادەميالىق فيلارمونياسىنىڭ سوليستەرى, رەسپۋبليكالىق جانە حالىقارالىق بايقاۋلاردىڭ لاۋرەاتتارى پەريزات تۇراروۆا, جانارگۇل راحاتقىزى,
جاقسىكەلدى ماياساروۆ, پرەزيدەنتتىك وركەستردىڭ ءسوليسى ايزات قارابەكوۆا, دومبىراشى قۇرمانعازى بايتاسوۆ, ءمادينا احمەتوۆا, ولجاس ءسابيجان, ايگەرىم حاسانوۆا, اسەم وماروۆا, ايدانا سماحانوۆا جانە باۋىرجان نۇرىمبەتوۆ اننەن شاشۋ شاشتى. «ىڭكارىم» حورەوگرافيالىق ۇجىمى مىڭ بۇرىلعان بيلەردى بيلەدى. كوڭىل كوتەرەتىن جانە سپورتتىق ويىندار ۇيىمداستىرىلىپ, جينالعان جۇرتشىلىق «قارا جورعا» ءبيى قىزدىردى. تويشىل قاۋىم ۇلتتىق سالت-داستۇرلەردى تاماشالاپ, توعىزقۇمالاق سىندى ۇلتتىق ويىندارعا قاتىستى. «ميراس» اۋلا كلۋبىنىڭ مۇشەلەرى قازاق كۇرەسىنىڭ ايلا-امالدارىن كورسەتسە, «سان-سيرو» مەكتەبىنىڭ تاربيەلەنۋشىلەرى فۋتبولدان تۋرنير وتكىزدى.
تۇرعىن الاپتاردا تىگىلگەن كيىز ۇيلەردە داستارقان جايىلىپ, حالىق پالاۋدان, باۋىرساقتان, مەرەكەنىڭ باستى تاعامى – ناۋرىز كوجەدەن ءدام تاتتى.
«كەيىنگى ەكى جىلدا استانانىڭ تۇرعىن الاپتارىن ارالاپ, كونتسەرت بەرىپ ءجۇرمىز. ناۋرىز مەرەكەسى كەزىندە عانا ەمەس, استانا كۇنىندە دە, ەكسپو ۋاقىتىندا دا ۇيىمداستىرىلعان كونتسەرتتەرگە قاتىستىق. شەتكى اۋداندار تۇرعىندارىنىڭ قالا ورتالىعىندا وتەتىن كونتسەرتتەرگە ءجيى قاتىسۋعا مۇمكىندىگى بولا بەرمەيدى. ال تۇرعىن الاپتارداعى مۇنداي ءىس-شارالار حالىقتىڭ كوڭىلىن كوتەرەدى, كورەرمەن مەرەكەنى سەزىنەدى. ءوزىمىز دە مارقايىپ قالامىز. اتالار, اجەلەر, اعالار, اپالار, زامانداستارىمىز, ءتىپتى, بالدىرعاندارعا دەيىن كەلىپ, بار نيەتىمەن, شىن ىقىلاسىمەن ءانىڭدى تىڭدايدى. بۇل – ءبىز ءۇشىن ۇلكەن مارتەبە, ءارى شىنايى شابىت سىيلايدى. ناۋرىز – تىرشىلىكتىڭ باستاۋى, كوزى, بارلىق نارسەنىڭ جاڭارىپ, كۇن مەن ءتۇننىڭ تەڭەلەتىن ۋاقىتى, قازاقتىڭ ايتۋلى ءتول مەرەكەسى. سوندىقتان بۇكىل حالىق بولىپ ناۋرىزدى ەرەكشە كۇتەمىز. بۇل – وتباسىلىق مەرەكە, تاتۋلىققا, بەرەكە-بىرلىككە شاقىراتىن مەيرام. بارشا قازاقستاندىقتاردى ۇلىستىڭ ۇلى كۇنىمەن شىن جۇرەكتەن قۇتتىقتايمىن» دەدى كلارا تولەنباەۆا.
جەلەزنودوروجنىي تۇرعىن الابىنىڭ تۇرعىنى بازارگۇل قارابەكوۆا: «ءبىز ءۇيىمىزدىڭ ماڭايىندا وتكىزىلەتىن ناۋرىزعا ارنالعان كونتسەرتكە جىل سايىن قۋانا كەلەمىز. مەرەكەلىك كوڭىل-كۇي سىيلاعاندارى ءۇشىن ۇيىمداستىرۋشىلار مەن ءارتىستەرگە العىسىمدى بىلدىرەمىن. بارشاڭىزعا دەنساۋلىق پەن بار جاقسىلىقتى تىلەيمىن» دەسە, ينتەرناتسيونالنىي تۇرعىنى اسەمگۇل سۇلەيمەنوۆا: «كونتسەرتكە بالالارمەن, كورشىلەرىمىزبەن, دوستارىمىزبەن بىرگە, بۇكىل وتباسىمىزبەن كەلدىك. ناۋرىز مەيرامىن اۋدانىمىزدا العاشقىلار بولىپ اتاپ وتكەنىمىز جاقسى. 21-22 ناۋرىزدا قالانىڭ باستى الاڭدارىندا وتەتىن مەرەكەلىك ءىس-شارالارعا دا بارامىز» دەدى.
پرومىشلەننىي تۇرعىن الابىنىڭ تۇرعىنى ىرىستى كەنجەبەكوۆا: «بۇل جەردە كوپ حالىق تۇرادى. ناۋرىز جىل سايىن تويلانادى, كەرەمەت انشىلەر كەلىپ ونەرىن پاش ەتەدى. بيىل, مىنە, مەرەكە بالالارعا, تۇرعىنداردىڭ دەم الۋى ءۇشىن ارنايى سالىنعان جاڭا سپورتتىق ويىن الاڭى بار شاعىن ساياباعىمىزدا وتۋدە. قىس بويى كورمەگەن تانىستارىمىزدى كەزدەستىرىپ, ارقا-جارقا بولىپ جاتىرمىز. بۇل ءىس-شارانىڭ وسكەلەڭ ۇرپاق ءۇشىن دە تاربيەلىك ءمانى زور, سالت-ءداستۇرىمىز كورىنىس تابادى, ۇلتتىق ويىندارىمىز ۇيىمداستىرىلادى» دەدى.
كەشە استانا قالاسى تىلدەردى دامىتۋ جانە ارحيۆ ءىسى باسقارماسىنىڭ ۇيىتقى بولۋىمەن «استانا ناۋرىزى – 2018» اكتسياسى كەرەي جانە جانىبەك حاندار ەسكەرتكىشى الدىنان باستالدى. بۇگىن دە جالعاساتىن بۇل شارا بارىسىندا 5 مىڭنان استام سىيلىق ۇسىنىپ, 10 مىڭنان اسا قۇتتىقتاۋ پاراقتارىن تاراتۋ, 30-دان استام ءىرى نىسانداردى ارالاۋ, 100-دەن استام كوشەنى اۆتوبۋسپەن ارالاپ شىعۋ جوسپارلاندى.
21 ناۋرىزدا پريگورودنىي جانە ۇركەر تۇرعىن الاپتارىندا, ال 22 ناۋرىزدا كوكتال-1 جانە ءوندىرىس تۇرعىن الاپتارىندا, 23 ناۋرىزدا سارايشىق شاعىن اۋدانىندا مەرەكەلىك شارالار جالعاسادى. وسى كۇندەرى قالالىق الاڭدا «باۋىرساق Time» فەستيۆالى دە كەزەكتى رەت وتەدى.
امانعالي قالجانوۆ
