قاڭىراعان قۇرىلىس نىساندارىنا كىم جاۋاپتى؟
ءتۇرلى سەبەپتەرمەن اياقسىز قالىپ, قاڭىراپ تۇرعان قۇرىلىس نىساندارى قالا كوشەلەرىنىڭ ءسانىن كەتىرۋدە. دامۋ, ءوسۋ, كوركەيۋ ۇستىندەگى ەلورداعا سىن. ماسەلەن, سول جاعالاۋداعى تۇركىستان – الماتى كوشەلەرىنىڭ قيىلىسىنداعى قۇرىلىسى اياقتالماعان كوپ قاباتتى تۇرعىن ۇيلەر كەشەنى مەن شاتىرى قاقىراعان ءبىر قاباتتى نىساننىڭ وسى قالپىندا تۇرعانىنا تالاي جىلدىڭ ءجۇزى بولدى. سول سياقتى وڭ جاعالاۋداعى عۇمار قاراش كوشەسىندەگى (شولپان يمانباەۆا كوشەسىنە جاقىن ماڭ) قۇرىلىس نىسانىنىڭ شەتى تىپتەن قىزىل سىزىقتى باسىپ, تروتۋارعا شىعىپ كەتكەن. مەكتەپ جانىنداعى جولعا ەنتەلەپ تۇرعانىنا 4-5 جىلدىڭ ءجۇزى بولدى. نە سالىنبادى, نە الىنبادى. نەگە باستاعان, باستاسا نەگە بىتىرمەگەن؟ زاڭسىز, رۇقساتسىز سالىنسا, بۇل نىساندار ءالى كۇنگە دەيىن نەلىكتەن ىسىرىلىپ تاستالماعان؟ قالاداعى كورىكتى, جاپ-جاقسى, سۇرانىسقا يە ورىنداردى ەنشىلەگەن, الايدا قاڭىراپ, قاراۋسىز قالعان وسىنداي قۇرىلىس نىساندارىنىڭ بولاشاق بەدەرىنە كىم جاۋاپ بەرەدى؟ قاشانعى بۇلاي تۇرا بەرەدى؟ ەرتەڭ وپىرىلىپ تۇسسە, كىم جاۋاپتى بولماق؟ ءتيىستى باسقارمالار نە جاۋاپ ايتادى؟
