نۇرسۇلتان نازارباەۆ: تاۋەلسىزدىك كۇنى – بارلىق يگىلىكتىڭ باستاۋى

ەلباسى نۇرسۇلتان نازارباەۆ تاۋەلسىزدىك كۇنى قارساڭىندا ەلدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى جانە بەلسەندى قوعامدىق قىزمەتى ءۇشىن ءبىر توپ ازاماتتى اقوردانىڭ تورىنە جيناپ, ابىرويىن اسىردى. مەملەكەتتىك ناگرادالارمەن ماراپاتتالعانداردىڭ قاتارىندا  وندىرىس, بيزنەس, ءبىلىم بەرۋ, دەنساۋلىق ساقتاۋ سالالارىنىڭ كورنەكتى وكىلدەرى, اسكەري قىز­مەتشىلەر, قۇقىق قورعاۋ ورگاندارى قىزمەتكەرلەرى, سپورتشىلار, سوعىس جانە ەڭبەك ارداگەرلەرى, مادەنيەت جانە عىلىم قايراتكەرلەرى بار.

سالتاناتتى جيىندا ءسوز باستاعان مەملەكەت باسشىسى نۇرسۇلتان نازارباەۆ ءتا­ۋەلسىزدىك كۇنى جاھانعا تا­نىلعان قازاق ەلىنىڭ بارلىق يگىلىگىنىڭ باستاۋى بولعان ەڭ ۇلى مەرەكەسى ەكەنىن ايتىپ, وسىناۋ ايتۋلى كۇندە قۇرمەتكە لايىق ازاماتتارعا كورسەتىلگەن جوعارى ماراپاتتى ىستەگەن ەرەن ەڭبەكتەرىنە حالىقتىڭ بەرگەن باعاسى دەپ اتادى.
مەملەكەتتىك ناگرادالاردى تاپسىرۋ راسىمىنە كەزەك كەلگەندە الدىمەن «قازاقستاننىڭ ەڭبەك ەرى» اتاعى بەرىلدى. بۇل اتاققا قازاقستان رەسپۋب­ليكاسىن ەكونوميكالىق, الەۋمەتتىك-گۋمانيتارلىق تۇرعىدان دامىتۋ جولىنداعى اسا ۇزدىك جەتىستىكتەرى ءۇشىن «ۇلتتىق نەيروحيرۋرگيا ورتالىعى» اق باسقارما توراعاسى س.ق.اقشولاقوۆ جانە قوستاناي وبلىسىنىڭ «قاراسۋ» سوك» جشس باس ديرەكتورى ا.ج.تۇر­سىنوۆ لايىق بولدى.
ودان كەيىن ەلباسى «وتان» وردەنىن استانا قالاسىنداعى «سترويكونسترۋكتسيا» اق پرەزيدەنتى ۆ.د.بۋللەرگە تاپسىردى. ال ءى دارەجەلى «بارىس» وردەندەرىن پرەزيدەنت
اكىمشىلىگىنىڭ باسشىسى ءا.ر.جاقسىبەكوۆ پەن جوعارعى سوتتىڭ توراعاسى ق.ءا.ءماميدىڭ كەۋدەسىنە تاقتى. ءىى دارەجەلى «بارىس» وردەنىمەن «ۇلتتىق شتاتتىق كوماندالار جانە سپورت رەزەرۆى ديرەكتسياسى» رمقك نۇسقاۋشى-سپورت­شىسى ز.ر.گابيدۋللينا, «قازاق­ستان تەمىر جولى» ۇك» اق پرە­زيدەنتىنىڭ كەڭەسشىسى ف.ح.گا­ليموۆ, «قازاقستان رەسپۋبليكاسى ۇلتتىق عىلىم اكادەمياسى» رقب پرەزيدەنتى م.جۇرىنوۆ, ۇلتتىق قاۋىپسىزدىك كوميتەتىنىڭ توراعاسى ك.ق.ءماسىموۆ, قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى م.م.ءتاجين, پرەزيدەنت جا­نىنداعى مەملەكەتتىك باس­قارۋ اكادەمياسىنىڭ مەم­لەكەت­تىك جانە جەرگىلىكتى باسقارۋ ينستيتۋتىنىڭ ديرەكتورى ز.ل.فەدوتوۆا ماراپاتتالدى. ءىىى دارەجەلى «بارىس» وردەنىنىڭ يەگەرلەرى – جۋرناليست, قوعام قايراتكەرى ا.بەكبوسىن, پارلامەنت سەناتى توراعاسىنىڭ ورىنباسارى ب.ءا.بەكنازاروۆ, «بازيس» حولدينگ كومپانياسى» جشس ديرەكتورلار كەڭەسىنىڭ توراعاسى ا.يا.بەلوۆيچ, كومپوزيتور ا.قورازباەۆ, قارجى مينيسترلىگىنىڭ جاۋاپتى حاتشىسى ن.ا.كورجوۆا, «نۇر وتان» پارتياسى توراعاسىنىڭ ءبىرىنشى ورىنباسارى م.ا.قۇل-مۇحاممەد, وڭتۇستىك قازاقستان وبلىسى «ساۋتس ويل» جشس پرەزيدەنتى س.سەيىتجانوۆ, اقمولا وبلىسى «اگروفيرما «TNK» جشس باس ديرەكتورى ب.ت.ۋاليەۆ, اكادەميك ت.شارمانوۆ, «قازاقستان حالىق بانكى» اق باسقارما ءتورايىمى ءۇ.ب.شاياحمەتوۆا.
بەلگىلى عالىمدار مەن ءما­دە­ن­يەت, ءبىلىم قايرات­كەر­­لەرىنىڭ, وندىرىستىك سالا وكىل­دەرىنىڭ ءبىر توبىنا «پاراسات» وردەنى بۇيىردى. ولاردىڭ اراسىندا استانا قالاسىنىڭ اكىمى ءا.ءو.يسەكەشەۆ, دەنساۋلىق ساقتاۋ جانە الەۋمەتتىك دامۋ ءمينيسترى ت.ب.دۇيسەنوۆا, قاراعاندى وبلىسىنىڭ اكىمى ن.ق.ابدىبەكوۆ, مادەنيەت جانە سپورت ءمينيسترى ا.مۇحامەديۇلى, اتىراۋ وبلى­سىنىڭ اكىمى ن.ا.نوعاەۆ جانە قازاق ۇلتتىق حورەوگرافيا اكادەمياسىنىڭ رەكتورى ا.ءا.اسىلمۇراتوۆا مەن «قازاقستان كامەراتاسى» كلاسسيكالىق مۋزىكا ءانسامبلىنىڭ ديرەكتورى گ.ق.مىرزابەكوۆ سەكىلدى ازاماتتار بار.
بۇعان قوسا, وسى باسقوسۋدا ءى, ءىى دارەجەلى «دوستىق», «قۇرمەت», ءىىى دارەجەلى «ەڭبەك داڭقى», ءى, ءىى دارەجەلى «داڭق», ءى, ءىى, ءىىى دارەجەلى «ايبىن» وردەندەرىنىڭ جانە «ەرلىگى ءۇشىن», «جاۋىنگەرلىك ەرلىگى ءۇشىن» مەدالدارىنىڭ يەگەرلەرى بەلگىلى بولدى.
ال ادەبيەت پەن ونەر سالاسىندا ۇزدىك ءتورت تۋىندىنىڭ اۆتورلارى مەملەكەتتىك سىيلىق الىپ, مەرەيلەرى ءۇس­تەم بولدى. ەلباسى «ءماڭ­گىلىك ەل» مونۋمەنتى تاۋەل­سىزدىكتىڭ مارتەبەسىن ءساتتى ايشىقتايتىنىن ايتىپ, اۆتورلار ۇجىمى – ي.ن.تاس­ماعامبەتوۆتى, س.س.جان­بو­لاتوۆتى, م.ا.مانسۇروۆتى جانە ن.ا.دالبايدى ماراپاتتادى. سونداي-اق, «قۇنانباي» ءفيلمىنىڭ شىعارماشىلىق توبى – د.ق.جولجاقسىنوۆ, ر.وديناەۆ, ا.ج.بەكتەمىر, ن.ر.سالىقوۆا نازاردان تىس قالمادى. مەملەكەتتىك سىيلىق «ءاي, دۇنيە-اي» رومانى ءۇشىن جازۋشى بەك­سۇلتان نۇرجەكەەۆكە جانە «تاۋەل­سىزدىككە تارتۋ» جۇمىستار تسيكلى ءۇشىن سۋرەتشى كاميل مۋللاشەۆكە تابىستالدى.

ورىنبەك وتەمۇرات