ەلورداداعى ورتالىق بالالار جانە ءجاسوسپىرىم كىتاپحاناسىندا «Kazbrands» قوعامدىق قورى جانە «Astana Polytechnic» جوعارى كوللەدجى ۇيىمداستىرعان «پوەزيالىق جاندى ءسوز» اتتى قالالىق ونلاين بايقاۋى جەڭىمپازدارى ماراپاتتالدى.
وسىدان ەكى جىل بۇرىن باستالعان بايقاۋ بالالار ءۇيى تاربيەلەنۋشىلەرى مەن ەرەكشە قاجەتتىلىكتەرى بار بالالاردى قولداۋعا باعىتتالعان. بىراق قاتىسۋشىلارعا شەكتەۋ قويىلمايدى. ۇيىمداستىرۋشىلاردىڭ ايتۋىنشا, بيىلعى بايقاۋعا 1500-دەن استام ۇمىتكەر قاتىستى. اراسىندا قالا مەكتەپتەرىنىڭ وقۋشىلارى دا كوپ بولدى. ولار قازاق, ورىس جانە اعىلشىن تىلدەرىندە 2022-2023 جىلدارعا مەرەيتويى سايكەس كەلىپ تۇرعان اقىنداردىڭ ولەڭدەرىن وقىپ, ۇيىمداستىرۋشىلارعا جولدادى.
بايقاۋدى كوپتەگەن ۇيىم قولدادى. ونىڭ اراسىندا استانا قالاسىنىڭ ورتالىقتاندىرىلعان كىتاپحانالار جۇيەسى دە بولدى. جەڭىمپازدارعا ءارتۇرلى اتالىمدار بويىنشا جۇلدەلەر تاپسىرىلدى.
