قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ استانالىق دەپارتامەنتى 1-31 ناۋرىز ارالىعىندا وڭىرلىك كادر رەزەرۆىنە كانديداتتاردى ىرىكتەۋ ءۇشىن قۇجاتتار قابىلدايدى, دەپ حابارلايدى astana-akshamy.kz.
كانديداتتاردىڭ قازاقستان رەسپۋبليكاسىنىڭ ازاماتتىعى, جوعارى ءبىلىمى, ەڭبەك ءوتىلى كەمىندە ءۇش جىل بولۋى جانە قۇجاتتاردى تاپسىرۋ ساتىندە 35 جاستان اسپاۋى ءتيىس.
ىرىكتەۋ كەلەسى سالالىق باعىتتار بويىنشا وتەدى:
1) الەۋمەتتىك سالا;
2) تۇرعىن ءۇي-كوممۋنالدىق شارۋاشىلىق جانە ينفراقۇرىلىم;
3) ەكولوگيا;
4) تسيفرلاندىرۋ.
قۇجاتتاردى قابىلداۋ 2024 جىلدىڭ 1-31 ناۋرىزى ارالىعىندا وڭىرلىك رەزەرۆكە ىرىكتەۋ جونىندەگى ونلاين-پلاتفورمادا جۇرگىزىلەدى. onir.pkrezerv.gov.kz. جەكە كابينەتكە كىرۋ كانديداتتىڭ لوگينى مەن ءپارولى بويىنشا دەربەس جۇزەگە اسىرىلادى.
ۇمىتكەرلەر قۇجاتتاردى قاعازبەن دە, ەلەكتروندى تۇردە دە ۇسىنا الادى.
قۇجاتتار ەلەكتروندىق پوشتا ارقىلى نەمەسە قولما-قول مىنا مەكەنجاي بويىنشا قابىلدانادى: astana@onir.pkrezerv.gov.kz 010000, استانا قالاسى, سارىارقا داڭعىلى, 13, 3 قابات, 304 كابينەت.
بۇل رەتتە قۇجاتتاردى قاعاز فورماتتا نە ەلەكتروندىق تۇردە بەرگەن كانديداتتار دا ونلاين-پلاتفورمادا تىركەلەدى (onir.pkrezerv.gov.kz). قۇجاتتاردى تاپسىرعاننان كەيىن ءبىر جۇمىس كۇنى ىشىندە جۇكتەۋى كەرەك.
ىرىكتەۋگە قاتىسۋ ءۇشىن قۇجاتتار ءتىزىمى تۋرالى تولىق اقپاراتتى جانە باسقا دا مالىمەتتەردى ونلاين-پلاتفورمادان الۋعا بولادى onir.pkrezerv.gov.kz, قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتىنىڭ ينتەرنەت-رەسۋرسىندا www.qyzmet.gov.kz, الەۋمەتتىك جەلىلەردەگى ۆەدومستۆو بەتتەرىندە (Instagram), سونداي-اق تەلەفوندار ارقىلى: +7 7172 248926, +7 7172 248896, +7 7172 248831 الۋعا بولادى.
