الەۋمەتتىك مەديتسينالىق ساقتاندىرۋ قورىنىڭ باسقارما توراعاسى ءسابيت احمەتوۆ پەن امسق استانا قالاسى بويىنشا فيليالىنىڭ ديرەكتورى ەربول بەكمۇحامبەتوۆ ەلورداداعى №9, №10 قالالىق ەمحانالاردا جانە «City» ەمحاناسى» جشس-دە بولىپ, مەديتسينالىق ۇيىمداردىڭ جۇمىسىمەن تانىستى.
امسق ەلوردا فيليالىنىڭ مەديتسينالىق قىزمەت جەتكىزۋشىلەرىنىڭ ءبىرى – «City» ەمحاناسى» جشس مۇمكىندىكتەرىمەن تانىستىرعان باس دارىگەر قانات دۇيسەنباەۆ ەمحانادا وتە سيرەك كەزدەسەتىن ەرەكشە وتالار جاسالاتىنىن ايتتى.
«City» ەمحاناسىندا مىندەتتى الەۋمەتتىك مەديتسينالىق ساقتاندىرۋ ء(مامس) بويىنشا وتالاردى بيىلعى 16 مامىردان باستاپ جاساي باستادىق. وسى ۋاقىتتان باستاپ بۇگىنگى كۇنگە دەيىن ءمامس جۇيەسى بويىنشا اياقتىڭ ارتەريالىق قان اعىمىن قالپىنا كەلتىرۋ بويىنشا 10 وتا جاسادىق» دەدى تاۋلىك بويعى ستاتسيونار جانە جەدەل قىزمەت كورسەتۋ بلوگىنىڭ مەڭگەرۋشىسى عاليا ابەجانوۆا.
ءمامس جۇيەسى بويىنشا «City» ەمحاناسىندا تەگىن ەم العان العاشقى ناۋقاس ۇزاق ۋاقىتتان بەرى اتەروسكلەروزدان زارداپ شەككەن 82 جاستاعى ەر ادام بولدى. ونىڭ اياعىنىڭ تامىرلارى تولىعىمەن بىتەلىپ, سونىڭ سالدارىنان اياعىندا قاتتى اۋىرسىنۋ تۋدىراتىن تروفيكالىق جارالار پايدا بولعان. اۋىرسىنۋ توقتامايدى, ءتىپتى اۋىرسىنۋدى باساتىن دارىلەر دە اسەر ەتپەي قالعان. قارت جاسىنا, اۋرۋدىڭ اسقىنىپ كەتكەندىگىنە, ناۋقاستىڭ قوسالقى پاتولوگيالارىنا قاراماستان, دارىگەرلەر جەرگىلىكتى انەستەزيا ارقىلى وتا جاساۋعا شەشىم قابىلدادى. تىندەردى مەيلىنشە جاراقاتتاماي, شاعىن تىلىكتەر ارقىلى دارىگەرلەر اياق تامىرلارىنان قان ءجۇرۋىن قالپىنا كەلتىردى, ناتيجەسىندە قىسقا ۋاقىت ىشىندە تروفيكالىق جارالار تولىق جازىلدى, وسىلايشا ناۋقاستىڭ اياعىن كەسۋدەن (امپۋتاتسيا) ساقتاپ قالدى, مۇگەدەكتىككە جەتكىزبەدى.
«اكەمىزدىڭ اۋىرعانىنا 20 جىلدان استى. بۇرىن دارىگەرلەر كوپتەگەن ءدارى-دارمەك تاعايىندايتىن, سولاردىڭ ارقاسىندا اۋىرسىنۋدى باسۋعا بولاتىن. بىراق سوڭعى بىرنەشە جىلدا دارىلەر اسەر ەتپەيتىن بولدى, اۋىرسىنۋ باسىلماي, اكەمىز ۇيقىدان قالدى. بىرنەشە تەكسەرۋلەر مەن كونسۋلتاتسيالاردان كەيىن ءبىز «City» ەمحاناسىنا باردىق. كت زەرتتەۋىن جۇرگىزۋ كەزىندە انگيوحيرۋرگ ا.پارمانوۆ اكەمنىڭ اۋرۋدان زارداپ شەگۋىنىڭ سەبەبى نەدە ەكەنىن كورسەتىپ, ءتۇسىندىردى. بۇل كەزدە اياعى قارايىپ كەتكەن ەدى, دارىگەر: «بىزدە ەندى ۋاقىت جوق, اياقتى قۇتقارۋ كەرەك» دەدى. اۋرۋحاناعا جاتقىزعاننان كەيىن دارىگەرلەر اكەمىزگە ءمامس بويىنشا تەگىن وپەراتسيا جاسادى. قازىر اكەمىز ءوزىن جاقسى سەزىنەدى» دەپ ناۋقاستىڭ بالالارى ءوز العىسىن ءبىلدىردى.
مۇنداي وتا قان تامىرلارى تاجىريبەسىندە وتە سيرەك جاسالادى. بۇل ءوز كەزەگىندە ەلوردادا قان تامىرلارى حيرۋرگياسى ادىستەرىنىڭ ودان ءارى دامۋىنا, قازىرگى زامانعى الەمدىك دەڭگەيدە حيرۋرگيالىق كومەكتىڭ پروگرەسسيۆتى ادىستەرىن يگەرۋگە جانە ەنگىزۋگە سەنىمدىلىك بەرەدى.
