الماتى اۋدانىندا «حالىق قاتىساتىن بيۋدجەت» جوباسى اياسىندا داۋىس بەرۋگە رۇقسات بەرۋ ءۇشىن جوبالىق ۇسىنىستاردى ىرىكتەۋ كەزەڭى اياقتالدى.
اۋدان تۇرعىندارىنان بۇل جوباعا بيىل 74 ءوتىنىم كەلىپ ءتۇستى, ساراپتامالىق كەڭەس داۋىس بەرۋ كەزەڭىنە 72 جوبانى داۋىس بەرۋ كەزەڭىنە جىبەرۋ تۋرالى قاۋلى ەتتى. جالپى, «حالىق قاتىساتىن بيۋدجەت» جوباسى استانادا 2019 جىلدان بەرى ىسكە اسىرىلىپ كەلەدى. تابىستى باستاما اياسىندا وتكەن جىل ىشىندە قالانىڭ ءتورت اۋدانىندا جۇزدەن استام اۋلا اباتتاندىرىلدى.
جوبا اياسىندا تۇرعىندار قالانى اباتتاندىرۋدا جەرگىلىكتى بيۋدجەت قاراجاتىن بولۋگە قاتىسا الادى. وسى ورايدا اۋماقتى كوگالداندىرۋ, تروتۋارلاردى, پاندۋستاردى, ارىقتاردى سالۋ جانە جوندەۋ, ورتاق پايدالانۋ ورىندارىن قۇرۋ, جوندەۋ جانە جارىقتاندىرۋ, بورديۋرلەردى, قوقىس تاستايتىن جەرلەردى جويۋ, ورتاق پايدالانۋ ورىندارىندا كۇركەلەر, ورىندىقتار, ۋرنالار جانە بالالاردىڭ ويناۋى, ەرەسەك تۇرعىنداردىڭ دەمالۋى ءۇشىن جابدىقتار مەن كونسترۋكتسيالار ورناتۋ, بالالار ويىن الاڭدارىن ورناتۋ, جوندەۋ جانە جارىقتاندىرۋ ەرەكشە ەسكەرىلگەن.
رەسپۋبليكالىق «حالىق قاتىساتىن بيۋدجەت» باعدارلاماسى العاش رەت سارىارقا اۋدانىندا باستالعان بولاتىن. وسىعان وراي, 2021 جىلى 45 جوبا, 2022 جىلى 71 جوبا بويىنشا تۇرعىنداردان ءوتىنىش كەلىپ تۇسكەن. جالپى, سارىارقا اۋدانىنىڭ اۋماعىندا سوڭعى ءۇش جىلدا 125 اۋلا, 32 قوعامدىق كەڭىستىك اباتتاندىرىلدى. بىلتىر 23 اۋلا «حالىق قاتىساتىن بيۋدجەت» باعدارلاماسى اياسىندا اباتتاندىرىلدى. بۇدان بولەك, اۋدان اۋماعىندا 22 اۋلا كورىكتەندىرىلدى جانە 8 قوعامدىق كەڭىستىك قايتا جانداندىرىلدى.
سونداي-اق, بۇل باعدارلاما ترەناجەر, فۋتبول, باسكەتبول, ۆولەيبول الاڭدارىندا, اۋلا اۋماقتارىندا جانە جالپى پايدالانۋ ورىندارىندا تازالىقتى قامتاماسىز ەتۋدى قاجەت ەتەدى. جوبا ماقۇلدانعاننان كەيىن اۋلالاردى كۇردەلى جوندەۋ جۇمىستارى باستالىپ, گۇلزارلار, ساياباقتار, قوعامدىق كەڭىستىكتەر سالۋ, اۋماقتاردى كوگالداندىرۋ جانە ت. ب. يگىلىكتى ءىس-شارالار جۇزەگە اسىرىلاتىن بولادى. ولاردىڭ بارلىعى تۇرعىنداردىڭ وتىنىشتەرى نەگىزىندە جۇرگىزىلەدى.
«حالىق قاتىساتىن بيۋدجەت» جوباسىنا قاتىسۋ ءۇشىن تۇرعىندار ەلەكتروندى-تسيفرلىق قولتاڭبانى پايدالانا الادى. داۋىس بەرۋ 6-24 ءساۋىر ارالىعىندا الماتى اۋدانى اكىمى اپپاراتىنىڭ رەسمي سايتىندا وتەدى.
