نۇر-سۇلتان قالاسى ءماسليحاتىنىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسياسىنىڭ وتىرىسى Zoom سەرۆيسىنىڭ بەينەكونفەرەنتسيالىق بايلانىس پلاتفورماسىندا ءوتتى.
«نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى» مەملەكەتتىك مەكەمەسىنىڭ باسشىسى ەرلان بەكمۋرزاەۆ پەن «استانا-تەحنوپوليس اەا» اق توراعاسىنىڭ مىندەتىن اتقارۋشى باقىتجان دوسقازيەۆ باياندامالارىندا ارنايى ەكونوميكالىق ايماقتى, ونەركاسىپتى جانە ەكسپورتقا باعىتتالعان جاڭا باسەكەگە قابىلەتتى وندىرىستەردى, نۇر-سۇلتان قالاسىنىڭ ينفراقۇرىلىمىن دامىتۋ تۋرالى باياندادى.
«نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى» مەملەكەتتىك مەكەمەسىنىڭ باسشىسى ەرلان بەكمۋرزاەۆ ونەركاسىپتىڭ دامۋى بويىنشا اكىمدىكتىڭ جۇمىسىنا توقتالا وتىرىپ, وتكەن جىلى ەلوردانىڭ ونەركاسىپتىڭ دامۋى بويىنشا قازاقستاننىڭ وزگە وڭىرلەرى اراسىندا الدىڭعى ورىنعا شىققانىن مىسالدارمەن كەلتىردى. تەمىرجول ماشينا ءوندىرىسى, قورعانىس, قۇرىلىس جانە تاماق ونەركاسىبى, مەتاللۋرگيا, ت.ب. سالالار قارقىندى دامۋدى كورسەتىپ وتىر. سوڭعى بەس جىلدا قايتا وڭدەۋ ونەركاسىبى ەكى ەسەگە وسكەن. سپيكەر «كوكا كولا» زاۋىتى مەن «تاۋ-كەن التىن» اففيناج زاۋىتىنا ەرەكشە توقتالدى. «تاۋ-كەن التىن» اففيناج زاۋىتى 2019 جىلعى قاراشا ايىندا ءوزىنىڭ جوبالىق قۋاتىنا قول جەتكىزىپ, 25 توننا التىن وندىرگەن.
بۇگىنگى تاڭدا انتيكريزيستىك جاعدايدا ءونىم وندىرۋدە جاڭا قادامدار جاسالۋدا. سونىمەن بىرگە مەديتسينالىق قۇرال-جابدىقتاردى يمپورتتاۋ جوسپارلانۋدا. جاڭا جوبالاردىڭ تيىمدىلىگىن ارتتىرۋ بويىنشا الەم ەلدەرىنىڭ تاجىريبەسىن باسشىلىققا الا وتىرىپ, جۇيەلى جۇمىس جۇرگىزىلۋدە. «№1 پاركتى دامىتۋ بويىنشا جۇمىستار اياقتالدى, ەندى №2 پارك بويىنشا جوبالار قولعا الىنعان. مەملەكەتتىك بيۋدجەتكە سالماق تۇسپەۋى ءۇشىن ول جوبالاردى بىرتىندەپ, ياعني 2030 جىلعا دەيىن كەزەڭ-كەزەڭمەن جۇزەگە اسىرۋ كوزدەلىپ وتىر» دەدى ول.
«استانا-تەحنوپوليس اەا» اق توراعاسىنىڭ مىندەتىن اتقارۋشى باقىتجان دوسقازيەۆ ەلورداداعى ارنايى ەكونوميكالىق ەكى ايماقتىڭ جۇمىسىنا توقتالدى. «ەلباسىنىڭ ءوزى بيزنەستىڭ دامۋىنا تەحنولوگيالىق پاركتەر ۇلەسىنىڭ جوعارى ەكەنىن ايتىپ, جۇمىسىنا وڭ باعا بەرگەن بولاتىن. «استانا – جاڭا قالا» اۋماعىندا 316 قۇرىلىس جوباسى جۇزەگە اسۋدا, ءوندىرىس جاعىنا كەلسەك, يندۋستريالدى پاركتە 50 زاۋىت جۇمىس ىستەپ تۇر, 17 زاۋىت سالىنۋدا, 16 زاۋىت جوبالاۋ جانە قاعازدارىن راسىمدەۋ كەزەڭىندە. ال, «استاناتەحنوپوليۋس» تۋرالى ايتساق, نازارباەۆ ۋنيۆەرسيتەتىندە 9 جوبا ىسكە اسۋدا, ول جوعارى تەحنولوگيالىق, مەديتسينا جانە ماشينا قۇراستىرۋ باعىتىنداعى, سونىمەن بىرگە عىلىمعا بايلانىستى جوبالار. ونىڭ ەكەۋى قالا بويىنشا جۇمىس ىستەپ جاتىر, «iKomek», «IQala», «102» دەگەن جۇيەنى پايدالاناتىن جوبا, ەكىنشىسى اۋىل ونەركاسىبىنە كومەكتەسەتىن «ەگىستىك» دەگەن جوبا. بۇل ەگىستىكتىڭ, جەردىڭ قۇنارلىلىعىن ارتتىرۋعا ارنالعان باعدارلاما» دەپ ونىڭ تيىمدىلىگىن ءتۇسىندىردى. ونىڭ ايتۋىنشا, يندۋستريالدى پاركتە 2018, 2019 جىلدارعا قاراعاندا شىعارىلاتىن تاۋارلار 63 پايىزعا وسكەن. 2010 جىلى 467 ادام جۇمىس ىستەسە, بۇگىنگى تاڭدا جۇمىسشى سانى ون ەسەگە كوبەيگەن. نۇر-سۇلتانداعى ارنايى ايماقتا وندىرىلگەن تاۋارلار قازاقستاندا شىعارىلاتىن ءونىمنىڭ 76 پايىزىن قۇرايدى. سونىمەن بىرگە 2019 جىلدارى پايدالانىلماعان جەرلەردى مەملەكەتكە قايتارۋ بويىنشا جۇمىستار جالعاسۋدا, مىسالى, 37 گەكتار جەر قايتارىلسا, ونىڭ 29 گەكتارى جاڭا ينۆەستورلارعا تاراتىلعان. سەگىز ايدا ايالداما سالۋ, جول جوندەۋ, ت.ب. جۇمىستار جاسالعان بولسا, ونىڭ ءبارى ينۆەستورلار ارقىلى جاسالعان. سپيكەر يندۋستريالدىق پاركتە جىلۋ تاپشىلىعى بار ەكەنىن دە ايتىپ كەتتى, 12 مەكەمە اۆتونوميالىق جىلۋعا قوسىلاتىنىن مالىمدەگەن, 20 مەكەمەنى بيىل, 2 مەكەمەنى كەلەسى جىلى جىلۋعا قوسۋ جوسپارلانىپ وتىر. سونىمەن بىرگە بيىلدان باستاپ ەلوردادا ليفتتەر, كانتسەليارلىق تاۋارلار, تۇربالار, سۇر بوياۋ, ەلەكتروندىق قۇرىلعىلار مەن جيھازدار شىعارىلا باستايدى.
يندۋستريالدىق پاركتە 98-99 پايىزعا جۋىق جۇمىستار جاسالعان, بوس ورىن جوقتىڭ قاسى, سوندىقتان قالا باسشىلىعىمەن, پرەزيدەنت تاپسىرماسىمەن №2 يندۋستريالدى پاركتى دامىتۋ قولعا الىنعان. 432 گەكتار جەر بار, 2042 جىلعا دەيىن جوبالار ءۇشىن ءوندىرىس الاڭدارى جاساقتالادى.
نۇر-سۇلتان قالاسى ءماسليحاتىنىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسياسىنىڭ وتىرىسىندا بايانداماشىلارعا ونەركاسىپ جوبالارىن ءتيىمدى جوسپارلاۋ جانە يندۋستريالدىق پاركتە جىلۋ تاپشىلىعىنا قاتىستى سىن-ەسكەرتپە ايتىلدى. قاراستىرىلعان ماسەلەلەر بويىنشا قاۋلىلار قابىلداندى.
