سوڭعى 10 جىلدا ەلوردانىڭ وڭدەۋ ونەركاسىبى 10 ەسەدەن استام ءوستى. بۇل سەكتور مەگاپوليستىڭ بارلىق ونەركاسىبىنىڭ 87 پايىزىن قۇرايدى.
مەملەكەت باسشىسىنىڭ قازاقستان حالقىنا جولداۋىندا جانە باسقا دا باعدارلامالىق قۇجاتتاردا وڭىرلەردىڭ, سونىڭ ىشىندە ەلوردانىڭ يندۋستريالاندىرۋ جانە وڭدەۋ ونەركاسىبىن دامىتۋعا ەرەكشە كوڭىل بولىنگەنى ءمالىم. قالالىق ينۆەستيتسيالار جانە كاسىپكەرلىكتى دامىتۋ باسقارماسى حابارلاعانداي, سوڭعى 10 جىلدا ونەركاسىپتىك ءوندىرىستىڭ كولەمى ون ەسەدەن استام – 111,3 ملرد-تان 1184,4 ملرد تەڭگەگە دەيىن وسكەنىن, بۇل رەتتە وڭدەۋ سەكتورىنىڭ كولەمى 112 ەسەگە (84,8 ملرد-تان 1080,8 ملرد تەڭگەگە دەيىن) ۇلعايعان. وسى كەزەڭدە ەلوردا اۋماعىندا 30-عا جۋىق ءىرى جانە 32 ورتا ونەركاسىپتىك كاسىپورىن قۇرىلدى. بۇل – وتە ۇلكەن جەتىستىك. سالا ماماندارى «تاۋ-كەن التىن» جشس اففيناج زاۋىتىن, «لوكوموتيۆ قۇراستىرۋ زاۋىتى» اق لوكوموتيۆ قۇراستىرۋ زاۋىتى, «ەلەكتروۆوز قۇراستىرۋ زاۋىتى» جشس ەلەكتروۆوز قۇراستىرۋ زاۋىتى, «تۇلپار» جشس ۆاگون جاساۋ زاۋىتىن وڭدەۋ ونەركاسىبىنىڭ لوكوموتيۆتەرى دەپ سانايدى.
