استانا قالاسى اكىمىنىڭ ورىنباسارى ەسەت بايكەننىڭ توراعالىعىمەن قالالىق ونوماستيكا كوميسسياسىنىڭ كەزەكتى وتىرىسى ءوتتى. كۇن تارتىبىندە قالا كوشەلەرى مەن ساياباقتارىنا, مەكتەپتەرگە اتاۋ بەرۋ جانە «تاريحي تۇلعالار» ءتىزىمىن قالىپتاستىرۋ ماسەلەلەرى قاراستىرىلدى.
كوشەلەر مەن داڭعىلدارعا اتاۋ بەرۋ جونىندە 53 ۇسىنىس, ءبىلىم مەكەمەلەرىنە اتاۋ بەرۋ جونىندە 15 ۇسىنىس, «تاريحي تۇلعالار» تىزىمىنە ەنگىزۋ ءۇشىن 90-عا جۋىق ۇسىنىس تالقىلاندى.
«قالا قارقىندى دامىعانىمەن, كوشەلەر مەن داڭعىلدارعا, مەكتەپتەرگە اتاۋ بەرۋدە بارىنشا سارالاۋ, عالىمدارمەن جان-جاقتى تالقىلاۋ ماڭىزدى» دەدى ەسەت بايكەن.
باسقوسۋدا كەيبىر ۇسىنىس قاناعاتتاندىرىلسا, كەيبىرىن قاراۋ كەيىنگە قالدىرىلدى, ال كەيبىرىنەن باس تارتۋ تۋرالى شەشىم شىعارىلدى.
