جاڭا وقۋ جىلى قارساڭىندا اتا-انالار وفلاين وقىتۋ, مەكتەپ فورماسىن الۋ مەن بالانى مەديتسينالىق تەكسەرىستەن وتكىزۋ ماسەلەلەرىنە عانا ەمەس, مەكتەپ جول كارتاسىن قالاي الامىز دەپ الاڭداۋلى. كارانتين جاعدايىندا جەڭىلدىگى بار جول كارتالارىن قالاي الۋعا بولاتىنى جايلى «City Transportation Systems» (CTS) جاۋاپكەرشىلىگى شەكتەۋلى سەرىكتەستىگىنىڭ قوعاممەن بايلانىس جونىندەگى قىزمەتىنىڭ جەتەكشىسى ناۋات ازانباەۆا ايتىپ بەردى.
نۇر-سۇلتان مەن قالا شەتىندە تەگىن ءجۇرۋ قۇقىعى مىنا ساناتتاعى ازاماتتارعا قولجەتىمدى:
– ۇلى وتان سوعىسىنىڭ قاتىسۋشىلارى مەن مۇگەدەكتەرىنە, سوعان تەڭەستىرىلگەن تۇلعالارعا;
– جاسى كەلىپ جانە قىزمەتىن وتكەرۋىنە بايلانىستى زەينەتكەرلىككە شىققان, سونداي-اق زەينەت جاسىنا جەتكەن جانە اسىراۋشىسىنان ايىرىلۋىنا بايلانىستى مەملەكەتتىك الەۋمەتتىك جاردەماقى الاتىن تۇلعالارعا;
– كوپبالالى انالارعا;
– كوپبالالى وتباسىلارعا;
– مۇگەدەكتەرگە;
– 18 جاسقا دەيىنگى مۇگەدەك بالالارعا, سونىڭ ىشىندە اتا-اناسىنىڭ بىرەۋىنە (زاڭدى وكىلىنە).
– نۇر-سۇلتان قالاسىندا جانە استانا ماڭىنداعى اۋدانداردا تۇراتىن 18 جاسقا دەيىنگى بالالارعا CTS قىزمەت كورسەتەتىن مەكتەپ كارتاسى بولعان جاعدايدا.
مەكتەپ جول كارتاسىن الۋ ءۇشىن 7 مەن 18 جاستاعى وقۋشىلار كەلەسى قۇجاتتاردى
كورسەتۋى قاجەت:
– جسن ءنومىرى بار تۋ تۋرالى كۋالىك پەن جەكە كۋالىك (16 جاستان اسقان بالالارعا);
– ءبىلىم بەرۋ مەكەمەسىنىڭ انىقتاماسى;
– 3ح4 فورماتتاعى فوتوسۋرەت;
مەكتەپ جول كارتاسىن شىعارۋدىڭ باستاپقى قۇنى 500 تەڭگەنى قۇرايدى. ال كارتانى ەكىنشى مارتە شىعارعان كەزدە وقۋشى قاي جەردە وقيتىنىنا قاراماستان تەك تۋ تۋرالى كۋالىگى مەن ءبىلىم بەرۋ مەكەمەسىنىڭ انىقتاماسىن كورسەتۋى كەرەك. قايتا باسىپ شىعارۋ قۇنى – 1000 تەڭگە.
جەڭىلدىگى بار جول كارتاسىن الۋ ءۇشىن مىناداي قۇجاتتار ۇسىنۋ قاجەت:
– جەكە كۋالىك;
– جەڭىلدىك ساناتىن راستايتىن قۇجات (زەينەتكەر كۋالىگىنىڭ ءنومىرى);
– فوتوسۋرەت;
جەڭىلدىگى بار جول كارتاسىن شىعارۋ قۇنى – 500 تەڭگە. قايتا باسىپ شىعارىلسا 1000 تەڭگە تۇرادى.
سونداي-اق www.transcard.kz سايتىنىڭ «ەلەكتروندى وتىنىمدەردى بەرۋ» بولىمىندە كارتاعا ونلاين-ءوتىنىم بەرۋگە بولادى.
وتىنىمگە سايكەس, جول كارتاسى دايىن بولعان كەزدە ءوتىنىم بەرۋشىنىڭ ەلەكتروندى مەكەنجايىنا كارتانى مىنا مەكەنجايداعى ورتالىق كاسسادان الىپ كەتۋگە بولاتىنى تۋرالى حابارلاما كەلەدى: نۇر-سۇلتان قالاسى, ر.قوشقارباەۆ داڭعىلى, 50/1. دايىن بولعان مەكتەپ كارتالارى مەن جەڭىلدىگى بار جول كارتالارى جەكە كۋالىگىن/زەينەتكەر كۋالىگىن كورسەتۋ ارقىلى تەك كامەلەتكە تولعان تۇلعالارعا عانا بەرىلەدى. سونىمەن قاتار www.transcard.kz سايتىندا جول كارتاسىن ۇيىڭىزگە اقىلى جەتكىزۋگە تاپسىرىس بەرۋگە بولادى. سول جەردە جەتكىزۋ ءادىسىن تاڭداپ, مەكەنجايدى تولتىرىپ, جەتكىزۋ قىزمەتىنە تولەۋگە بولادى.
قازىرگى تاڭدا ءبىلىم باسقارماسى مەكتەپتەردە «City Transportation Systems» جاۋاپكەرشىلىگى شەكتەۋلى سەرىكتەستىگىنىڭ جول كارتالارىن قولدانۋ ارقىلى تاماققا تولەۋ جۇيەسىن ىسكە قوستى.
«City Transportation Systems» جاۋاپكەرشىلىگى شەكتەۋلى سەرىكتەستىگىنىڭ مەكتەپ جول كارتاسى امبەباپ بولىپ تابىلادى:
– قوعامدىق كولىكتە جولاقىسىن تولەيسىز;
– مەكتەپتەگى قاۋىپسىزدىك تۋرنيكەتى جۇيەسى ارقىلى وتەسىز (تۋرنيكەت بولعان جاعدايدا);
– مەكتەپ اسحاناسىندا جانە بۋفەتتە تاماققا قولما-قول اقشاسىز ەسەپ ايىرىساسىز.
تاماققا كارتامەن تولەگەن كەزدە جولاقىسىنىڭ قاراجاتى الىنبايدى, سەبەبى ولار ەكى بولەك شوتتا بولادى:
– مەكتەپ اسحاناسى مەن بۋفەتتەردە تاماققا تولەۋگە ارنالعان شوت (بالانس جوبا وپەراتورلارى ارقىلى تولتىرىلادى);
– بالانس جانە مەكتەپ جول كارتاسى يەسىنىڭ مالىمەتتەرى.
جوبانى «G1 Software Kazakhstan» جشس مەن «قازعىلىم» عىلىمي ورتالىعى» جشس جۇزەگە اسىرادى. ونىڭ ىشىندە 38 مەكتەپكە «قازعىلىم» عىلىمي ورتالىعى» جشس, ال تاعى وسىنشا مەكتەپكە «G1 Software Kazakhstan» جشس قىزمەت كورسەتەدى (مەكتەپتەردىڭ ءتىزىمى www.transcard.kz سايتىنداعى كەستەدە كورسەتىلگەن).
«City Transportation Systems» جاۋاپكەرشىلىگى شەكتەۋلى سەرىكتەستىگىنىڭ جول كارتاسىمەن مەكتەپ ىشىندە تولەم جاساۋ ءۇشىن «G1 Software Kazakhstan» سەرىكتەستىگى قىزمەت كورسەتەتىن مەكتەپتەرگە FeebMe قوسىمشاسىندا بالانىڭ شوتىن تولتىرۋ قاجەت (بانك كارتاسىنىڭ كومەگىمەن) نەمەسە قولما-قول (Qiwi تەرمينالدارىندا نەمەسە قازپوشتا بولىمشەلەرىندە). FeebMe قوسىمشاسىن ورناتۋ مەكتەپتەر ءۇشىن تەگىن, جول كارتالارى دا اتالعان قوسىمشاعا تەگىن بەكىتىلەدى. مەكتەپ كارتاسىن تەك «G1 Software Kazakhstan» سەرىكتەستىگىنىڭ قىزمەتكەرلەرى عانا بەكىتىپ بەرە الادى. تاماقتىڭ اقىسى FeebMe شوتى ارقىلى تولەنەدى, جول كارتاسىنان اقشا الىنبايدى.
«قازعىلىم» عىلىمي ورتالىعى» جشس قىزمەت كورسەتەتىن مەكتەپتەرگە مەكتەپ ىشىندە تولەم جاساۋ ءۇشىن الەۋمەتتىك پەداگوگتان نەمەسە كومپانيا وكىلىنەن دەربەس شوت الۋ كەرەك, سونداي-اق www.balapay.kz سايتىندا تىركەۋدەن ءوتۋى ءتيىس. جول اقىسى ءۇشىن تولەم باسقا شوت ەسەبىنەن تولەنەتىنىنە نازار اۋدارعان ءجون.
مەكتەپتەگى قاۋىپسىزدىك تۋرنيكەتىنەن ءوتۋ ءۇشىن (ول بولعان جاعدايدا) جول كارتاسىن قىزمەت كورسەتۋشى كومپانيالار – «G1 Software Kazakhstan» جانە «قازعىلىم» عىلىمي ورتالىعى» جشس بەكىتەدى.
«قازعىلىم» عىلىمي ورتالىعى» جشس قىزمەت كورسەتەتىن مەكتەپتەردەگى تاماقتانۋ اقىسىن تولەۋگە قاتىستى بارلىق سۇراقتار بويىنشا 8 775 007 06 20 تەلەفون نومىرىنە, ال «G1 Software Kazakhstan» جشس قىزمەت كورسەتەتىن مەكتەپتەر بويىنشا 8 747 915 07 09 تەلەفون نومىرىنە حابارلاسا الاسىزدار.
