1 قىركۇيەكتە 13 مىڭنان استام بالا تۇڭعىش رەت مەكتەپ تابالدىرىعىن اتتاماق. تامىزدىڭ سوڭعى كۇندەرىندە ولاردىڭ دەنى دارىگەرلەردىڭ پروفيلاكتيكالىق تەكسەرۋىنەن ءوتىپ بولىپتى. ونىڭ ناتيجەلەرى تۋرالى قالالىق دەنساۋلىق ساقتاۋ باسقارماسى انا مەن بالانى قورعاۋ ءبولىمىنىڭ باسشىسى ساۋلە نۇراشەۆادان سۇراپ بىلدىك.
– ءسابيدىڭ جاڭا ورتاعا تەز ۇيرەنىسىپ كەتۋى ءۇشىن ونىڭ دەنساۋلىعى دا ءتۇزۋ بولۋى كەرەك. سول سەبەپتى مەكتەپالدى دايىندىقتىڭ قاتارىندا بالاعا تىركەلگەن ەمحانانىڭ ۋچاسكەلىك پەدياترىنان كەڭەس الىپ, دارىگەرلەردىڭ تەكسەرۋىنەن ءوتۋ اسا ماڭىزدى. ول ءۇشىن ەمحانادا دەنساۋلىق پاسپورتى, پروفيلاكتيكالىق ەگۋ كارتاسى تولتىرىلادى.
– قانداي دارىگەرلەردىڭ تەكسەرۋىنەن ءوتۋى كەرەك؟
– نەۆروپاتولوگ, حيرۋرگ, كوز دارىگەرى, لور, ءتىس دارىگەرىنىڭ پروفيلاكتيكالىق تەكسەرۋىنەن ءوتۋى ءتيىس. وسى مامانداردىڭ قابىلداۋىنا بالالار كەزەكسىز جىبەرىلەدى. تامىز ايىنان باستاپ قالالىق ەمحانالار سەنبى كۇندەرى دە جۇمىس ىستەدى. كۇنىنە 20-25 بالانى تەكسەرۋدەن وتىكزگەن كەزدەرى بولدى. دەگەنمەن, العاشقى سىنىپقا باراتىن شاكىرتتەردىڭ 90 پايىزىنان استامى تەكسەرۋدەن ءوتىپ, ولاردىڭ دەنساۋلىق جاعدايى انىقتالدى. ناقتىلاي ايتساق, تامىزدىڭ ەكىنشى ونكۇندىگىنە دەيىنگى مالىمەت بويىنشا 9 مىڭنان اسا بالا دارىگەرلىك تەكسەرۋدەن ءوتتى. ونىڭ ىشىندە 6789 بالانىڭ دەنى ساۋ, ال قالعان 2247 بالانىڭ دەنساۋلىعىندا كىنارات بارى انىقتالدى. ولاردىڭ كوبىندە قىزىليەك, ءتىس اۋرۋى بار. كوزى اۋىراتىنداردىڭ سانى كوپ. سونىمەن قاتار, انەمياعا شالدىققانداردى دا انىقتادىق.
– ەندى ولاردىڭ دەنساۋلىعىن تۇزەۋ ءۇشىن باسقارما تاراپىنان قانداي دا ءبىر شارا ۇيىمداستىرىلا ما؟
– بىرىنشىدەن ولارعا تەگىن ستوماتولوگيالىق كومەك كورسەتىلەدى. ياعني, بۇل ايماقتىق ەمحانانىڭ ۋچاسكەلىك دارىگەرىنىڭ جولداۋى بويىنشا, تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا جۇزەگە اسىرىلادى. كوزى اۋىراتىندار وفتالمولوگتىڭ باقىلاۋىندا بولادى. ال, باسقا دا سىرقاتى بارلارعا ءتيىستى دارىگەرلىك كەڭەس بەرىلىپ, قاجەتتى ەم بەلگىلەنەدى.
– قالانىڭ شەتكەرى ەلدى مەكەندەرىندە تۇراتىن بالالار ورتالىقتاعى مەكتەپتەردە ءبىلىم الىپ جاتادى. وسىنداي جاعدايدا ولار قالالىق ەمحانالاردا تەكسەرىلە الادى ما؟
– بۇل رەتتە قالانىڭ مەكتەپ وقۋشىلارى وقۋ ورنى ورنالاسقان اۋماعى بويىنشا قالالىق ەمحاناعا تەكسەرىلە الاتىنىن ايتقىمىز كەلەدى.
ايگۇل ۋايسوۆا