ورتاق ءىستىڭ كىلتى – بىرلىكتە
قالالىق دوستىق ۇيىندە بىرلىك كۇنى اياسىندا قازاقستان حالقى اسسامبلەياسىنىڭ دوڭگەلەك ۇستەل وتىرىسى وتكىزىلىپ, كۇن تارتىبىندە مەملەكەت باسشىسىنىڭ جولداۋى تالقىلاندى.
جيىنعا قوعامدىق كەلىسىم كەڭەسى مەن انالار كەڭەسىنىڭ مۇشەلەرى, استانا قالاسى قحا عىلىمي-ساراپشىلىق توبىنىڭ, قالالىق ەتنومادەني بىرلەستىكتەردىڭ وكىلدەرى مەن مەملەكەتتىك مەكەمە قىزمەتكەرلەرى قاتىستى. استانا قالاسى قوعامدىق كەلىسىم كەڭەسىنىڭ ءتوراعاسى ءامىرجان الپەيىسوۆ حالىققا جولداۋىندا پرەزيدەنت كەلەر جىلدى «جاستار جىلى» دەپ جاريالاۋى تاريحي ءارى ستراتەگيالىق ماڭىزى بار شەشىم ەكەنىن اتاپ ءوتتى. «2019 جىلى ناقتى ىستەرگە باعىتتالعان جوبالار مەن جۇمىستار قولعا الىناتىن بولادى. بۇل جارقىن ىستەردىڭ كوپشىلىككە ءتيىمدى بولاتىنى انىق» دەدى ول. ال استانا قالاسى قازاقستان حالقى اسسامبلەياسى عىلىمي-ساراپشىلىق توبىنىڭ مۇشەلەرى تاتيانا كوشمان مەن وراق اليەۆ, حاليل ماسلوۆ جانە انالار كەڭەسىنىڭ ءتورايىمى
ياننات نيزامۋتدينوۆا دا جولداۋعا قاتىستى ءوز پىكىرلەرىن ءبىلدىرىپ, ونداعى ايتىلعان ءمىندەتتەردى ءتيىمدى جۇزەگە اسىرۋ كەرەكتىگىن, ول ءۇشىن قوعامداعى الەۋمەتتىك ۇيلەسىمدىلىكتى ساقتاۋ قاجەتتىگىن ايتتى.
جيىن بارىسىندا استانا قالاسى قازاقستان حالقى اسسامبلەياسىنىڭ حاتشىلىعى ءاربىر قازاقستاندىقتىڭ ءال-اۋقاتىن جاقسارتۋعا باعىتتالعان جولداۋعا ءبىراۋىزدان قولداۋ كورسەتىپ, ونى جۇزەگە اسىرۋداعى وزدەرىنە جۇكتەلگەن جۇمىستار مەن مىندەتتەردى ناقتىلادى.
«ءاربىر قازاقستاندىق وتاندى گۇلدەندىرۋگە باعىتتالعان رەفورما ماڭىزىن جەتە ءتۇسىنۋى ءتيىس. قازىر ونى تابىستى جۇزەگە اسىرۋ ءۇشىن بارشامىزدىڭ بىرىگۋىمىز اسا ماڭىزدى بولىپ وتىر» دەگەن بولاتىن مەملەكەت باسشىسى حالىققا جولداۋىندا. بۇل تۇرعىدا قوعامدىق كەلىسىم مەن تۇراقتىلىقتى نىعايتىپ, ەتنوستار ىنتىماعىن ارتتىرىپ, حالىقتى بىرلىككە ۇندەپ, جۇرتشىلىقتى ورتاق ىسكە بىرىكتىرۋ ماقساتىنداعى قازاقستان حالقى اسسامبلەياسىنىڭ اتقارىپ جاتقان قىزمەتىنىڭ ماڭىزى زور ەكەنىن ايتادى ماماندار.