استانا كوكتەم تۇسكەندە قالىڭ قاردىڭ استىندا. الاي-دۇلەي بوران ەكى كۇن بويى قالانى اپپاق قارعا وراپ تاستادى.
استانا قالاسىنىڭ ءبىلىم باسقارماسى «17 ءساۋىر كۇنى اۋا رايىنىڭ قولايسىزدىعىنا بايلانىستى ەكىنشى اۋىسىمنىڭ 0-11-سىنىپ وقۋشىلارى جانە كوللەدجدەردىڭ 1-2-كۋرس ستۋدەنتتەرى قاشىقتان وقىتۋ فورماتىنا اۋىستىرىلادى» دەپ حابارلادى. قوش دەلىك. بالاباقشاعا ءسابيدى ۇلكەندەر الىپ بارىپ, اكەلەدى, بالا ىشتە بولادى. قاۋىپسىز. ال ۋنيۆەرسيتەت بولسىن, مەكتەپ بولسىن, قاۋىپسىزدىك جاعى ماڭىزدى, قار كۇرەلمەي, ادام جۇرە الماي تۇرعان كەزدە مىقتى كوللاپس نەمەسە جول اپاتى پايدا بولادى. سوسىن ستۋدەنت ساباعىنا كەشىگۋى دە مۇمكىن, جول قيىندىعىنان نەمەسە وقىتۋشى كەشىگەدى. ال ساباق جۇيەدەگى تومەن باعاعا اسەر ەتەدى. قالعان 3-4-كۋرستىڭ ستۋدەنتتەرى قالاي جەتەدى وقۋ ورنىنا – بۇيرىق شىعارعاندا دا قۇزىرەتتى ورگاندار كىشكەنە ويلانىپ بارىپ شەشىم قابىلداسا دەگەن ۇسىنىس بار.
– نەگىزىندە, ءار ۋنيۆەرسيتەت ءوزى شەشىم قابىلدايدى. مىسالى, بىزدە بارلىعىنا ونلاين. جالپى ءبىراز ۋنيۆەرسيتەتتىڭ ونلاين سيستەماسى جۇيەلى رەتتەلمەگەن ءالى كۇنگە دەيىن. مىسالى, پاندەميادان كەيىن Zoom-داعى كاسىبي پاكەتتەن كوبى باس تارتتى. ال فورس-ماجور اياق استىنان عوي, – دەيدى KazGUU ۋنيۆەرسيتەتى باسقارما توراعاسىنىڭ ورىنباسارى ەربولات مۇحامەدجان.
ەلورداداعى ءبىلىم بەرۋ وشاقتارى, جوعارى وقۋ ورىندارى اۋا رايىنىڭ وسىنداي قولايسىز جاعدايىندا وقۋشى, ستۋدەنتكە وڭتايلى شەشىمدەردى جەدەل قابىلداعانى دۇرىس.
