ماحابباتتىڭ قۇدىرەت كۇشى الديلەگەن جاستاردىڭ ەڭ باستى قۋانىشى – نەكەگە تىركەلۋ, ۇيلەنۋ تويى. ال وسى ءبىر ەستە قالاتىن وقيعانى ءارتۇرلى جاعدايعا ىرىمداپ وتكىزەتىندەر دە بولادى. ماسەلەن, ەلوردامىزدا 22 اقپان كۇنى 240-قا جۋىق جاس جۇباي نەكەسىن قيدىردى. بۇل ادەتتەگىدەن 3 ەسەدەي كوپ. ويتكەنى بۇل كۇننىڭ ايى مەن جىلى سايكەس ساندارمەن «22022022» ءدوپ كەلگەن ەكەن. سوندىقتان دا وسى سايكەستىكتى باقىتتى ىرىمعا بالاعان جاستار وتاۋ تىگۋدى ءجون ساناپتى.
2022 جىلدىڭ 22 اقپان كۇنى تاڭەرتەڭنەن باستاپ نۇر-سۇلتان قالاسىنىڭ ازاماتتىق حال اكتىلەرىن تىركەۋ بولىمدەرىندە العاشقى وتباسىلىق قۇجاتىن الۋ ءۇشىن جاس جۇبايلار ءتىزىلىپ تۇردى. وسى كۇنى 240-قا جۋىق جۇپ نەكە قيۋ ءراسىمىن وتكىزدى.
«ساندارى سايكەس مۇنداي كۇندەر جاس جۇبايلار اراسىندا سۇرانىسقا يە. مىسالى, ەسىل اۋدانىندا كۇنىنە ورتا ەسەپپەن 30-40 جۇپ تىركەلسە, بۇگىن جۇمىس كۇنىنىڭ سوڭىنا دەيىن 100-گە جۋىق جاس نەكەسىن تىركەيدى دەپ كۇتىلىپ وتىر. جاس جۇبايلارعا وتباسىلىق باقىتتى ءومىر, بەرىك نەكە تىلەيمىن. بۇل كۇن ولارعا ساتتىلىك پەن اماندىق اكەلسىن!» دەپ اتاپ ءوتتى ەسىل اۋدانى اكىمدىگى احات ءبولىمىنىڭ باسشىسى راۋشان زاريروۆا.
ايتا كەتۋ كەرەك, سوڭعى جىلدارى ەلوردادا رەسمي تۇردە نەكەسىن تىركەيتىن جاڭا وتباسىلاردىڭ سانى ۇنەمى ءوسىپ كەلەدى. سونىمەن, 2020 جىلى 9571 جۇپ نەكەسىن قيسا, 2021 جىلى – شامامەن 12 مىڭ.
ساراپشىلاردىڭ ايتۋىنشا, ولار قازىر نەكەگە تۇرۋعا جانە وتباسىن قۇرۋعا جاۋاپكەرشىلىكپەن, سانالى تۇردە قارايدى. بۇگىنگى تاڭدا جاس جۇبايلاردىڭ ورتاشا جاسى 26-28 جاستى قۇرايدى, ال 4-5 جىل بۇرىن ول 22-23 جاس بولاتىن. تەك جاستار عانا ەمەس, سونىمەن بىرگە 50-60 جانە ءتىپتى 70 جاستاعى ۇلكەن كىسىلەر دە بار.
