ەلوردانىڭ تۇرعىن الاپتارىندا, قالانىڭ ورتالىق الاڭى, «قازاق ەلى» مونۋمەنتىنىڭ جانىنداعى جانە ەكسپو الاڭدارىندا جاڭا جىلدىق مەرەكەلىك كونتسەرتتەر, دەمەۋشىلەردىڭ ەسەبىنەن وتشاشۋ ۇيىمداستىرىلدى.
قالا تۇرعىندارى مەن قوناقتارىنا استانا قالاسى مادەنيەت باسقارماسىنا قاراستى شىعارماشىلىق ۇجىمدار مەن تانىمال انشىلەردىڭ كونتسەرتتەرى ۇسىنىلدى. مەرەكەلىك ءىس-شارالاردى اتالمىش باسقارمامەن قاتار قالا اۋداندارىنىڭ اكىمدىكتەرى ۇيىمداستىردى.
اتاپ ايتقاندا, «پريگورودنىي», «ءوندىرىس» تۇرعىن الاپتارىندا, «كوكتال» ساياباعىندا ە.راحماديەۆ اتىنداعى مەملەكەتتىك اكادەميالىق فيلارمونيا, «ناز» مەملەكەتتىك بي تەاترى, استانالىق تسيرك جانە باسقا دا ۇجىمدار جاڭا جىلدىق كوتەرىڭكى كوڭىل كۇي سىيلادى.
وتشاشۋ قالانىڭ ەكى جەرىندە – بوتانيكالىق باق پەن «اتىراۋ» كوپىرىنە ىرگەلەس اۋماقتا ۇيىمداستىرىلدى. ال «جاڭا جىل ءتۇنى» اتتى مەرەكەلىك كونتسەرتىنە «ءىنجۋ» توبى, دۋمان ۋساەۆ, كۇلايىم قايىرباەۆا, «ديارت» توبى, الماس كىشكەنباەۆ, عايني جۇماشەۆا, Auka, بەيبىت قورعان, ەركەش حاسەنوۆ, ءالي وقاپوۆ, Ayree, «كيليماندجارو» توبى, سەرىك يبراگيموۆ, الىشەر كارىموۆ, ديانا يسمايل, مارجان اراپباەۆا, كەنجەبەك ءجانابىلوۆ, Qanay, باسقا دا تانىمال انشىلەر قاتىستى.
