رەكورد جاڭارتقان حراپاتىي
ەسىل ءوڭىرىنىڭ تۇڭعىش وليمپيادا چەمپيونى اناتولي حراپاتىي – اۋىر اتلەتيكادان حالىقارالىق دارەجەدەگى سپورت شەبەرى, 1988 جىلعى سەۋل وليمپياداسىنىڭ التىن مەدالى مەن 1996 جىلعى وليمپيادانىڭ كۇمىس جۇلدەگەرى.
اتلانتا وليمپياداسىنان كۇمىس جۇلدەمەن ورالعان ا.حراپاتىيدى جەرلەستەرى نان-تۇزبەن قارسى الىپ, ۇيىنە دەيىن شىعارىپ سالدى. بىرنەشە كۇننەن سوڭ دەنە شىنىقتىرۋشىلار كۇنى اقمولانىڭ قاجىمۇقان اتىنداعى ورتالىق ستاديونىندا چەمپيونعا قۇرمەت كورسەتىلدى. اقمولا وبلىسىنىڭ اكىمى ا.براۋن «اۋدي» ماشيناسىنىڭ كىلتىن ۇستاتسا, اتباسار اۋدانىنىڭ اكىمى ت.قاسەنوۆ ارعىماق مىنگىزدى. ەكىنشى ارعىماقتىڭ تىزگىنىن وبلىستىق ىشكى ىستەر باسقارماسىنىڭ باسشىسى, ميليتسيا گەنەرال-مايورى ءو.بولسامبەكوۆ ۇستاتتى.
تۋعان جەرىنىڭ اتاق-ابىرويىن اسىرىپ, الەمدىك رەكوردتى جاڭارتقان اناتولي حراپاتىيدىڭ ەسىمى سپورت تاريحىنىڭ شەجىرەسىندە ايشىقتى ارىپتەرمەن جازىلىپ قالدى.
فوتودا ا.حراپاتىي اقمولانىڭ قاجىمۇقان اتىنداعى ورتالىق ستاديونىندا, 11 تامىز, 1996 جىل.
عازيزا يساحان