نۇر-سۇلتان قالاسىنىڭ اكىمى التاي كولگىنوۆ مەكتەپ ديرەكتورلارىمەن كەزدەسىپ, وزەكتى ماسەلەلەردى تالقىلادى.
«وقۋشىلاردىڭ ءداستۇرلى وقۋ فورماتىنا قايتا كوشكەنىنە ەكى اي ءوتتى. بۇل وقۋشىلاردى دا, پەداگوگتاردى دا قۋانتادى. بارلىق مۇعالىمدەر مەن تەحنيكالىق پەرسونال ەكپە العان, دەگەنمەن قاتاڭ سانيتارلىق نورمالاردى ساقتاۋدى جالعاستىرۋ قاجەت: ماسكا تاعىپ, مەكتەپكە Ashyq قوسىمشاسى ارقىلى كىرۋ كەرەك» دەپ مالىمدەدى باسقوسۋدا قالا باسشىسى.
التاي كولگىنوۆ قاۋىپسىزدىك ماسەلەسىنە ەرەكشە كوڭىل بولىنەتىنىن جەتكىزدى. «قاۋىپسىزدىكپەن قامتاماسىز ەتۋگە دە نازار اۋدارامىز. ءبىلىم بەرۋ نىساندارىنىڭ ءبارى كامەرالارمەن جابدىقتالعان. مىسالى, وتكەن جىلدىڭ وزىندە قوسىمشا كامەرالارمەن جابدىقتاۋعا 600 ملن تەڭگە ءبولىندى. سونداي-اق كۇزەت قىزمەتكەرلەرىنىڭ دايىندىعى مەن بىلىكتىلىگىنە ەرەكشە نازار اۋدارۋ, تەرروريزمگە قارسى وقۋ-جاتتىعۋلاردى تۇراقتى نەگىزدە وتكىزۋ قاجەت. ءبىلىم باسقارماسىنا مەكتەپ ديرەكتورلارىمەن بىرلەسىپ, ءبىلىم بەرۋ نىساندارىن دابىل سيگناليزاتسياسى باتىرمالارىمەن, تۋرنيكەتتەرمەن جاراقتاندىرۋدى, سونداي-اق, مەكتەپ پسيحولوگتارىنىڭ جۇمىسىن كۇشەيتۋدى تاپسىرامىن. وقۋشىلارمەن جەكە تۇزەتۋ جۇمىستارىن تۇراقتى نەگىزدە جۇزەگە اسىرۋ كەرەك.
بۇدان باسقا, ءبىلىم بەرۋ نىساندارىنىڭ قولجەتىمدىلىگى جانە جۇرگىزىلگەن ينفراقۇرىلىم ماسەلەسى دە ماڭىزدى. جىل سايىن جاڭا مەكتەپتەر سانىن دا ارتتىرامىز. بيىل 15 مەكتەپ سالىنباق. بۇل شامامەن 40 مىڭ وقۋشى ورنىن قۇرۋعا مۇمكىندىك بەرەدى. سالىستىرار بولساق, بۇل 2020 جىلعا قاراعاندا ەكى ەسە, ال 2019 جىلدان ءتورت ەسە كوپ. كەلەسى جىلعا دايىندىق جۇمىستارىن باستاپ كەتتىك. سونىمەن قاتار ينفراقۇرىلىم بويىنشا كەستە جاسالدى. بۇل – كىرەتىن جولدار, جاياۋ جۇرگىنشىلەر جولدارى, اباتتاندىرۋ» دەپ ءتۇسىندىردى اكىم.
