21 ماۋسىم كۇنى «AMANAT» پارتياسىنىڭ نۇر-سۇلتان قالالىق فيليالىندا پارتيا بەلسەندىلەرىنە مەملەكەت باسشىسىنىڭ ارنايى العىس حاتتارى تابىستالدى. ماراپات قر كونستيتۋتسياسىنا وزگەرىستەر مەن تولىقتىرۋلار ەنگىزۋ بويىنشا رەفەرەندۋم وتكىزۋدى قولداۋدا ۇلەس قوسقاندارعا بەرىلدى. ال ولار, ساياسي كەڭەس مۇشەلەرى, بپۇ توراعالارى, ۇيىم بەلسەندىلەرى مەن ارداگەرلەرى, ەلوردالىق فيليال قىزمەتكەرلەرى جانە جاستار ءماسليحاتىنىڭ دەپۋتاتتارى.
ماراپاتتاردى نۇر-سۇلتان قالاسىنىڭ اكىمى التاي كولگىنوۆ ارنايى تابىستادى. ءوڭىر باسشىسى ءبىر ماقسات, ءبىر مۇددەنى كوزدەگەن ايتۋلى كەزەڭدە بىرىگىپ جۇمىس اتقارعان ارىپتەستەرگە العىس ءبىلدىردى. رەسپۋبليكالىق جانە وڭىرلىك پارتيالىق شتابتاردىڭ جۇمىسىن ۇيىمداستىرۋدا ۇلەس قوسقان بارشا قاتىسۋشىلاردىڭ جۇيەلى جۇمىسىن اتاپ ءوتتى. ەل بولىپ بىرىگىپ, جۇدىرىقتاي جۇمىلعان جۇمىستىڭ ناتيجەسىن قورىتىندىلاپ, جالپى, رەفەرەندۋم اياسىندا اتقارىلعان جۇمىستار ءمان-ماعىناعا تولى بولعانىن باسا ايتتى.
«AMANAT» پارتياسى نۇر-سۇلتان قالاسىنداعى «وركەنيەت» فيليالىنىڭ اتقارۋشى حاتشىسى ماريا ۋتەباەۆا:
«بارشا ارىپتەستەرىمدى العان ماراپاتتارىمەن قۇتتىقتايمىن. ارقايسىسى ءوز سالاسىنىڭ مامانى, ەلىم دەپ تۇرعان ازاماتتار. اتسالىسقان ءاربىر جان كونستيتۋتسيالىق رەفورمانى تابىستى جۇزەگە اسىرۋعا جانە جاڭا ادىلەتتى قازاقستاندى قۇرۋ ىسىنە زور ۇلەسىن قوستى.
«جالپى, ساياسي جانە باسقارۋ جۇيەسىندەگى رەفورمالارعا قۇقىقتىق نەگىز بەرەتىن رەفەرەندۋمنىڭ ماڭىزى زور. بۇل – قازاقستاننىڭ بولاشاعىن ايقىندايتىن قادام. كونستيتۋتسياعا ەنگىزىلگەلى وتىرعان وزگەرىستەردە مەملەكەتتىڭ باستى كاپيتالى – حالقى جانە ەلدىڭ, جەردىڭ يەسى دە سول حالىق ەكەنىن ايقىندايتىن باسىمدىقتار بار. جالپى اتا زاڭداعى 98 باپتىڭ 33-ءى وزگەرتىلمەك. بۇل ەلدەگى ساياسي جۇيەنى قۇقىقتىق تۇرعىدا بەكىتەدى.
وزگەرىس وزىمىزگە كەرەك. كۇنى كەشە وتكەن رەفەرەندۋمنىڭ ءمانى مەن ماڭىزى كونستيتۋتسيامىزعا ەنگىزىلەتىن وزگەرىستەردى بەكىتۋ بولدى» دەگەن ويىمەن بولىسە كەتتى.
[smartslider3 slider=3299]
ەسكە سالا كەتەيىك, رەفەرەندۋم اياسىندا «AMANAT» پارتياسى تۇرعىندارمەن 12 مىڭنان استام كەزدەسۋ وتكىزىپ, پارتيا جانىنان رەسپۋبليكالىق جانە ايماقتىق 200-دەن استام شتاب قۇرىلدى. ونىڭ ىشىندە, Amanat-تىڭ قالالىق فيليالىنىڭ ءماسليحات دەپۋتاتتارى, ساياسي كەڭەس مۇشەلەرى, بەلسەندىلەرى, بپۇ توراعالارى قاتارىنان جەكە پارتيالىق شتاب قۇرىلىپ, اقپاراتتىق-تۇسىندىرمە جۇمىستارىنىڭ جەلىلىك كەستەسى ازىرلەندى. ءماجىلىس جانە قالالىق ءماسليحات دەپۋتاتتارى ەلوردامىزدىڭ بىرقاتار كاسىپورىندارى مەن مەكەمەلەرىندە كەڭىنەن ءتۇسىندىرۋ جۇمىستارىن جۇرگىزدى.
ال 20 ماۋسىم كۇنى ءماجىلىس سپيكەرى, «AMANAT» پارتياسىنىڭ باسشىسى ەرلان قوشانوۆتىڭ توراعالىعىمەن پارتيا فراكتسياسىنىڭ كەزەكتى جينالىسى ءوتتى. وندا رەفەرەندۋم اياسىندا اتقارىلعان جۇمىستارعا قورىتىندى جاسالىپ, بولاشاق جوسپارلار ناقتىلاندى. سونىمەن قاتار, قازاقستان رەسپۋبليكاسى پرەزيدەنتى جانىنداعى ۇلتتىق قۇرىلتايدىڭ قورىتىندىلارى تالقىلاندى.
وندا ە.قوشانوۆ فراكتسيا مۇشەلەرىنىڭ بۇكىل ايماقتاردى ارالاپ, ۇگىت-ناسيحات جۇمىستارىن جۇرگىزىپ, رەفەرەندۋمدى ابىرويمەن وتكىزۋگە بەلسەندى قاتىسقانىن اتاپ ءوتتى.
– بۇل كەشەندى جۇمىستىڭ باسى عانا. ءبىزدىڭ الدىمىزدا ناقتى ءارى اۋقىمدى مىندەتتەر تۇر. ەڭ اۋەلى – كونستيتۋتسيالىق رەفورمالاردى زاڭنامالىق تۇرعىدا قامتاماسىز ەتۋىمىز كەرەك, – دەدى «AMANAT» پارتياسىنىڭ توراعاسى.
ال «AMANAT» پارتياسىنىڭ اتقارۋشى حاتشىسى اسحات ورالوۆ: «بارلىق كەزدەسۋلەر ەركىن, اشىق فورماتتا جاسالدى. ءبىز ولاردىڭ سانىنا ەمەس, ساپاسىنا ءمان بەردىك. كونستيتۋتسيالىق وزگەرىستەردى حالىققا تۇسىنىكتى تىلمەن جەتكىزۋگە تىرىستىق. كەشە ازاماتتار ءوز تاڭداۋىن جاساپ, ەلدىڭ بولاشاق دامۋ جولىنا قاتىستى شەشىم قابىلدادى. وسى ارقىلى ەلىمىز «جاڭا قازاقستاننىڭ» ىرگەتاسىن قالادى. الدا كوپ جۇمىس, ۇلكەن مىندەتتەر تۇر.
رەفەرەندۋمنىڭ ناتيجەسى بويىنشا اتا زاڭنىڭ 33 بابىنا 56 وزگەرىستەر مەن تۇزەتۋلەر ەنگىزىلىپ, 2 ءبولىمنىڭ اتاۋى جاڭارادى, «اۋىل» پارتياسى قوعام ءۇشىن ماڭىزدى ماسەلەلەرگە ۇسىنىستاردى دايىنداپ, بارلىق قوعامدىق تالقىلاۋلارعا قاتىساتىن بولادى. پارتيا توراعاسى ءالي بەكتاەۆ وسىنى جەتكىزدى. ساياسي پارتيالارعا قاتىستى زاڭ جوباسىنان باستاپ, حالىقتى الەۋمەتتىك قورعاۋ ماسەلەلەرىنە دەيىن زاڭدارعا پارتيا تاراپىنان قۇرىلعان جۇمىسشى توپتار تىكەلەي اتسالىسادى. سونىمەن قاتار سايلاۋ مەن پارتيا تۋرالى زاڭدارعا دا ءوز ۇسىنىس پىكىرلەرىن جولدايدى» دەدى.
ايتا كەتۋ كەرەك, جالپىۇلتتىق رەفەرەندۋمدى قولداۋ ماقساتىندا ەلىمىز بويىنشا 218 پارتيالىق شتاب قۇرىلىپ, 12 مىڭنان استام ءىس-شارا وتكىزىلدى.
