مەديتسينا ۇيىمدارىندا پاتسيەنتتەردىڭ شاعىمدارىن قاراستىراتىن پاتسيەنتتەردى قولداۋ جانە ىشكى ساراپتاما قىزمەتى جۇمىس ىستەيدى. ولار قاجەت بولعان جاعدايدا پاتسيەنتتەردىڭ قۇقىقتارىن قورعاۋ بويىنشا شارالار قابىلدايدى.
ەگەر سىزدەن شۇعىل مەديتسينالىق كومەك الۋ نەمەسە ۋچاسكەلىك دارىگەرگە بارۋ ءۇشىن ساقتاندىرۋ مارتەبەسىنىڭ بولۋىن تالاپ ەتسە, ۋچاسكەلىك دارىگەر بولماعان جاعدايدا ءسىزدى قابىلداۋدان باس تارتسا, ۋچاسكەلىك دارىگەر/مەدبيكە نەمەسە ءسىز وسى ەمحاناعا اۋماقتىق قاعيدات بويىنشا تىركەلگەن بولساڭىز دا, فەلدشەر ۇيگە شاقىرتۋ قىزمەتىن كورسەتپەسە, بەيىندى ماماننان كەڭەس الا الماي جۇرسەڭىز, سەبەبى ول دارىگەر جوق نەمەسە جازبا ءبىر ايعا تولىق بولسا, دەنساۋلىعىڭىزدىڭ كورسەتكىشتەرى بويىنشا ءتيىستى دياگنوستيكالىق نەمەسە زەرتحانا قىزمەتتەرىنە جولداما بەرىلمەسە, پاتسيەنتتەردى قولداۋ قىزمەتىنە حابارلاسىڭىز. سونىمەن قاتار ءسىزدى جۇرگىزىلگەن تەكسەرىستىڭ ناتيجەلەرىمەن تانىستىرماسا, دارىگەر قابىلداۋ كەزىندە دورەكىلىك تانىتىپ, ءوزىن تالاپقا ساي ۇستاماسا, كورسەتىلگەن مەديتسينالىق كومەكتىڭ ساپاسىنا قاناعاتتانباساڭىز, ەگەر ءسىز دياگنوزدىڭ نەمەسە تاعايىندالعان ەمنىڭ دۇرىستىعىنا كۇماندانساڭىز, ءوزىڭىزدىڭ مەديتسينالىق جازبالارىڭىزدا قاتە دەرەكتەردى نەمەسە تىركەلىمدەردى انىقتاعان بولساڭىز, جالپى مەديتسينا قىزمەتكەرلەرى مەن مەديتسينا ۇيىمىنىڭ قىزمەت كورسەتۋ ساپاسى قاناعاتتاندىرماسا دا وسى قىزمەتكە جۇگىنە الاسىز. ال ەگەر تۋىنداعان ماسەلەنى, سۇراقتاردى پاتسيەنتتى قولداۋ جانە ىشكى ساراپتاما قىزمەتى شەشپەگەن جاعدايدا قاشاندا fms.kz رەسمي سايتى, 1406 بايلانىس ورتالىعى, Telegram-داعى Qoldau 24/7 جانە Saqtandyry-Bot ءموبيلدى قوسىمشاسى سەكىلدى بايلانىس ارنالارى ارقىلى الەۋمەتتىك مەديتسينالىق ساقتاندىرۋ قورى قىزمەتىنە جۇگىنۋگە بولادى.
