ءدال قازىرگى تاڭدا قازاقستاندا كوروناۆيرۋسقا قارسى ەكپەنىڭ ءۇش ءتۇرى: «سپۋتنيك V», «سينوفارم», «QazVac» سالىنۋدا. ەندى جىلدىڭ ءتورتىنشى توقسانىندا امەريكالىق Pfizer ەكپەسىن جەتكىزۋ جوسپارلانىپ وتىر.
بۇل تۋرالى جاقىندا قر ۇكىمەتىنىڭ ءباسپاسوز ورتالىعىندا «حالىق بىرلىگى جانە جۇيەلى رەفورمالار – ەل دامۋىنىڭ تۇراقتى نەگىزى» دەگەن تاقىرىپتا وتكەن جولداۋدى تالقىلاۋ جيىنىندا ايتىلدى. وتكەن ايدا وتاندىق QazVac ەكپەسىنىڭ 650 مىڭ دوزاسى وندىرىلگەن. وسى ايدا ونىڭ 750 مىڭ دوزاسى جەتكىزىلمەك. بۇگىندە ەلىمىزدە وتاندىق ەكپەنى شىعاراتىن ەكى ءوندىرىس الاڭى بار: ءبىرى – جامبىل وبلىسىنداعى بيوفارماتسەۆتيكالىق زاۋىت جانە «انتيگەن» كاسىپورىنىنىڭ بازاسى. اتالعان جيىندا بيىل قازاقستاننىڭ تاريحىندا تۇڭعىش رەت «بيولوگيالىق قاۋىپسىزدىك تۋرالى» ارنايى زاڭ قابىلداناتىنى دا ايتىلدى. بۇل جاڭالىق بيوقاۋىپپەن كۇرەستە قۇقىقتىق نەگىز قالىپتاستىرادى. سونىمەن قاتار ەلدەگى بيوقاۋىپسىزدىكتى بولجاۋدىڭ ۇلتتىق ورتالىعىن قۇرۋ جوسپارلانعان. وسىلايشا بيولوگيالىق قاۋىپتەن قورعانۋ بويىنشا جۇمىستاردى جۇيەلى تۇردە جۇرگىزۋگە مۇمكىندىك ارتادى.
