تۇڭعىش پرەزيدەنت كۇنىنە جانە ەل تاۋەلسىزدىگىنىڭ 30 جىلدىعىنا ارنالعان رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ قولداۋىمەن جانە ەلباسى اكادەمياسىنىڭ ۇيىمداستىرۋىمەن ەلورداداعى ءال-فارابي اتىنداعى وقۋشىلار سارايىندا كەزەكتى ۇلتتىق پىكىرسايىس ءتۋرنيرى وتكىزىلدى.
تۋرنيرگە شيرەك فينالعا جولداما العان 15 كوماندا قاتىستى. ولار: №67, 59, 82, 85, 87, 32, 74, 10, 60, 3, 75, 20, 22, 68, 9 جانە نزم مەكتەپ كوماندالارى. ساقاداي ساي كەلگەن كوماندا مۇشەلەرى ويىنعا اسا سابىرلىلىق پەن ۇلكەن دايىندىقپەن كەلگەندەرىن كورسەتتى. تورەشىلەردىڭ شەشىمىمەن, «ۇزدىك سپيكەر» اتانعاندار – «فەميدا» كومانداسىنىڭ مۇشەسى نۇرشات جالعاسباەۆا جانە «زەردە» كومانداسىنان اقنۇر جانبولاتقىزى جانە №3 گيمنازيا قاتىسۋشىسى الەكساندر راكۋتين.
قازاق ليگاسى فيناليستەرى – №10 مەكتەپ-گيمنازيا كومانداسىنىڭ مۇشەلەرى ۆيكتوريا شنەيدەر, جاننا كاكەنوۆا. جەڭىمپازدار «فەميدا» كومانداسى ويىنشىلارى – كەنجەگۇل مارال, نۇرشات جالعاسباەۆا. ورىس ليگاسى فيناليستەرى – №59 مەكتەپ-ليتسەيىنەن اسىلبەك اكچاباەۆ, ايگەرىم وشاقپاي. جەڭىمپازدار №60 مەكتەپ-ليتسەيى ويىنشىلارى – انۆار احمەتوۆ مەن قايسار مىرزاحانوۆ.
قالالىق كەزەڭنەن وزا شاپقان پىكىرسايىسشىلار رەسپۋبليكالىق تۋرنيرگە جولداما الدى.
