ەلوردادا مادەني-ويىن-ساۋىق قىزمەتتەرىنىڭ پلاتفورماسى ىسكە قوسىلدى.
ەلوردا تۇرعىندارى مەن قوناقتارىنا ىڭعايلى بولۋ ءۇشىن visitnursultan.kz پورتالىندا بارلىق مادەني-بۇقارالىق ءىس-شارالاردى, ونىڭ ىشىندە سپورتتىق ءىس-شارالاردى, سپەكتاكلدەردى, كونتسەرتتەردى, كينوافيشالاردى, سونداي-اق قوعامدىق تاماقتاندىرۋ پۋنكتتەرىن جانە تۋريستىك مارشرۋتتاردى بىرىكتىرۋگە ارنالعان تسيفرلىق سەرۆيس جۇمىس ىستەيدى.
Visitnursultan.kz پورتالى ەلوردا تۇرعىندارى مەن قوناقتارىنا بوس ۋاقىتىن ءتيىمدى وتكىزۋگە ارنالعان ورىندى تەز ءارى وڭاي تابۋعا, سول سياقتى قاجەت بيلەتتى ونلاين ساتىپ الۋعا مۇمكىندىك بەرەدى.
نۇر-سۇلتان قالاسىنىڭ اكىمدىگى ءتيىستى ۇيىمداردى visitnursultan.kz پلاتفورماسىندا ءوز قىزمەتىن بىرىكتىرۋ ءۇشىن ىنتىماقتاستىق ورناتۋعا شاقىرادى. پلاتفورماعا قاتىسۋشى كومپانيالار كوبىرەك كليەنت تارتا الادى جانە ولاردىڭ تانىمالدىعىن ارتتىرىپ, قىزمەتىن جاقسارتادى.
Visitnursultan.kz پلاتفورماسىندا ءىس-شارالاردى ورنالاستىرۋ جونىندەگى تالاپتارمەن تانىسۋ ءۇشىن 8-702-555-59-92 نومىرىنە حابارلاسۋعا بولادى.
