نۇر-سۇلتان قالاسىندا وسپان يسلامۇلىنىڭ تۋعانىنا 120 جىل تولۋىنا وراي «قايقايا شاپقان قاراگەر» مۋزىكالىق قويىلىمى كورەرمەن نازارىنا ۇسىنىلدى. وتكەن عاسىردىڭ 40-50-جىلدارىنداعى قازاق حالقىنىڭ قيلى تاعدىرىنان ءبىر مولتەك سىر شەرتەتىن قويىلىمنىڭ ستسەناريىن تاريح عىلىمدارىنىڭ دوكتورى تۇرسىنقان زاكەنۇلى جازعان.
شىڭجاڭداعى قازاقتاردىڭ ۇلت ازاتتىعى ءۇشىن كۇرەسكەن قازاقتىڭ حاس باتىرىن ەسكە الۋ كەشىن «ەر جانىبەك» حالىقارالىق قوعامدىق قورىنىڭ دەمەۋىندە نۇر-سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسى ۇيىمداستىرىپ, وتكىزدى.
كەش اياسىندا «قايقايا شاپقان قاراگەر», «بابالار مەكەنى – التاي», «وسپان باتىر», «وسپان باتىردىڭ سوڭعى ءسوزى», «سۇلۋباي ارمان», «سۇلۋباي», «وي, عايشا» سىندى اۆتورلىق اندەرمەن بىرگە, «اعاجاي التاي», «ەلىك-اي, اتتەڭ, شىركىن» سياقتى حالىق اندەرى دە ورىندالدى. كەشكە قازاقستاننىڭ ەڭبەك سىڭىرگەن قايراتكەرلەرى كلارا تولەنباەۆا, ايگۇل قوسانوۆا, گۇلزيرا بوكەيحان, ەرلان رىسقالي سەكىلدى ونەر جۇلدىزدارى مەن «سارىارقا» حالىق مۋزىكا ءانسامبلى, «الەم» ەسترادا بي ءانسامبلى, «قاللەكي» تەاترىنىڭ اكتەرلەرى قاتىستى.
