قايىرىمدىلىق قۋانىشى

استانا قالاسى اكىمدىگىنىڭ باستاماسىمەن وتكىزىلىپ جاتقان «استانا – مەيىرىمدى قالا» قايىرىمدىلىق اكتسياسىنا «استانا اقشامى» گازەتىنىڭ رەداكتسياسى ۇجىمى دا وزىندىك ۇلەس قوستى.

رەداكتسيا قىزمەتكەرلەرى جيناعان قاراجات استانالىق ارمان اۋباكىروۆكە تابىس ەتىلدى.
ارمان ورالۇلى اۋباكىروۆ – ءبىرىنشى توپتاعى مۇگەدەك جان. بالا كەزىنەن سىر­قاتتانعان. ول «استانا اقشامى» گازەتىنىڭ تۇراقتى وقىرمانى ءارى قوعامدىق ءتىلشىسى. ارمان – شىعارماشىل ادام. ماقالا جازادى, سۋرەت سالادى. وسىدان بىرنەشە جىل بۇرىن «استانا اقشامى» گازەتىنىڭ قولداۋىمەن جيناق-كىتابى جارىققا شىققان. جاسى بيىل 40-قا تولدى. بۇرىن ءوزى ءجۇرىپ-تۇرىپ, رەداكتسياعا كەلىپ-كەتىپ جۇرەتىن ەدى. وكى­نىشكە قاراي, ابايسىزدا, ويلاماعان جەردە جول اپاتىنا ۇشىراپ, ەمىن-ەركىن جۇرە المايتىن بولىپ قالدى.
ءبىز كەلىپ كومەگىمىزدى بىلدىرگەنىمىزدە, ارمان دا, ونىڭ اناسى دا قاتتى قۋانىپ, بىزگە دە, وسىنداي قايىرىمدىلىق اكتسيا ۇيىمداستىرىپ جاتقان قالا اكىمدىگىنە دە قايتا-قايتا ريزاشىلىعىن ءبىلدىردى.
جۇرەگى جايساڭ, شىعارماشىل ازاماتتىڭ كوڭىل-كۇيىنىڭ كوتەرىلىپ قالعانىنا ءوزىمىز دە مارقايىپ قالدىق.

عالىم قوجابەكوۆ