استانا قالاسى ءماسليحاتىنىڭ 16-شى كەزەكتەن تىس سەسسياسىندا 2017-2019 جىلدارعا ارنالعان ەلوردا بيۋدجەتى قايتا قارالدى. بيۋدجەتتىڭ بۇل ناقتىلانۋى قولدانىستاعى زاڭناماعا سايكەس, جىل باسىنداعى بيۋدجەت قاراجاتىنىڭ قالدىقتارىن بولۋگە جانە جەرگىلىكتى اتقارۋشى ورگاننىڭ باستاماشىلىعىمەن جەرگىلىكتى بيۋدجەتتى ناقتىلاۋ بويىنشا وتكىزىلىپ وتىر.
ءماسليحات دەپۋتاتتارى تالقىسىنا بيۋدجەتتى ناقتىلاۋ بارىسىندا قاراجاتتىڭ 8 477 184,2 مىڭ تەڭگە سوماسىنداعى ەركىن قالدىقتارىن ءبولۋ; بيۋدجەتتىڭ كىرىس بولىگىن 11 065 721 مىڭ تەڭگەگە ۇلعايتۋ; رەسپۋبليكالىق بيۋدجەتتى ناقتىلاۋ شەگىندە جالپى سوماسى 77,5 ملرد تەڭگە قوسىمشا ترانسفەرتتەردى بەكىتۋ ۇسىنىلدى.
سونداي-اق, بيۋدجەت قاراجاتىن يگەرۋ مونيتورينگىسىنىڭ قورىتىندىلارى نەگىزىندە ىشكى قايتا ءبولۋ جولىمەن ولاردى الەۋمەتتىك سالا مەن ەلوردانى دامىتۋدىڭ كەزەك كۇتتىرمەيتىن مىندەتتەر قاتارىن شەشۋگە باعىتتاۋ ۇسىنىلدى.
اكىم ورىنباسارى اندرەي لۋكيننىڭ ايتۋىنشا, قالا بيۋدجەتى جەكە كىرىستەر بويىنشا 2017 جىلدىڭ قاڭتارىنداعى ەسەپتى كەزەڭنىڭ جوسپارىنان 160,7 پايىزعا ارتىق ورىنداپ, 15 728 416 مىڭ تەڭگە قازىناعا تۇسكەن. وتكەن جىلدىڭ كورسەتكىشىمەن سالىستىرعاندا تۇسىمدەر 1 641 683 مىڭ تەڭگەگە ۇلعايعان.
استانا قالاسىنىڭ مەملەكەتتىك كىرىستەر دەپارتامەنتىنىڭ ۇسىنىسىمەن سالىقتىق تۇسىمدەردىڭ جىلدىق بولجامى 7 000 000,0 مىڭ تەڭگەگە ۇلعايتىلدى. سالىقتىق ەمەس تۇسىمدەر بويىنشا 2017 جىلعا جىلدىق بەكىتىلگەن بولجام 916 768,0 مىڭ تەڭگەگە, نەگىزگى كاپيتالدان تۇسەتىن تۇسىمدەر بويىنشا جىلدىق بولجام 3 148 953,0 مىڭ تەڭگە سوماسىنا ۇلعايتىلدى.
ەنگىزىلگەن وزگەرىستەردىڭ ەسەبىمەن استانا قالاسىنىڭ 2017 جىلعا ارنالعان ناقتىلانعان بيۋدجەتىنىڭ جالپى كولەمى 470 ملرد 480,7 ملن تەڭگەنى قۇرايدى.
اكىم ورىنباسارى بيۋدجەتتىك باعدارلاما اكىمشىلەرىنە قاراستىرىلعان بيۋدجەت قاراجاتتارىنىڭ كولەمىمەن دە تانىستىرىپ ءوتتى.
اتاپ ايتقاندا, قاراجاتتىڭ قوماقتى بولىگى كوممۋنالدىق شارۋاشىلىق باسقارماسىنا سۋمەن جابدىقتاۋ جۇيەسىن دامىتۋ, ينجەنەرلىك كوممۋنيكاتسيالىق ينفراقۇرىلىمدى جەتىلدىرۋ باعدارلامالارىن جۇزەگە اسىرۋ ءۇشىن بولىنەدى.
ينۆەستيتسيالار جانە دامۋ باسقارماسىنا قوسىمشا 800 437 مىڭ تەڭگەنى باس قالامىزدىڭ سەرپىندى يننوۆاتسياسىن قامتاماسىز ەتۋگە جانە «EXPO-2017» دۇنيەجۇزىلىك كورمەسىن وتكىزۋگە جۇمسالماق. وسى قاراجاتتان ەلوردا تۋريزمىن دامىتۋعا قوسىمشا 245 937 مىڭ تەڭگە بولىنبەك.
اۆتوموبيل جولدارى باسقارماسىنا قوسىمشا 2 372 456 مىڭ تەڭگە, ال «كولىك ينفراقۇرىلىمىن دامىتۋ» باعدارلاماسى بويىنشا قوسىمشا 24 249 646,1 مىڭ تەڭگە ءبولىندى.
تۇرعىن ءۇي باسقارماسى بويىنشا قوسىمشا 4 774 623 مىڭ تەڭگە ءبولىندى.
ايگۇل ۋايسوۆا
