ەلوردا بيۋدجەتىنە تۇسەتىن سالىق كولەمى ارتىپ كەلەدى. بۇل تۋرالى كەشە استانا قالاسى ستراتەگيالىق جانە بيۋدجەتتىك جوسپارلاۋ باسقارماسىنىڭ باسشىسى راسۋل ورازعۇلوۆ قالالىق ءماسليحاتتىڭ كەزەكتى وتىرىسىندا مالىمدەدى.
– قالا دامۋىنىڭ ەكونوميكالىق كورسەتكىشتەرى ديناميكاسىن ەسكەرەر بولساق, اعىمداعى جىلدىڭ قاڭتار-شىلدە ايلارىندا استانا بيۋدجەتىنە تۇسكەن كىرىس كولەمى 136,2 ملرد تەڭگەنى قۇراپ وتىر. وتكەن جىلدىڭ سايكەس كەزەڭىمەن سالىستىرعاندا ءوسىم 2,4 پايىزدى قۇرايدى. ونىڭ ىشىندە سالىق تۇسىمدەرى 126 ملرد تەڭگەنى قۇراپ, 3,6 پايىز ءوسىم كورسەتتى, – دەدى باسقارما باسشىسى.
وسى جاعدايعا بايلانىستى قالانىڭ جالپى كىرىسىنىڭ جىلدىق بولجامىن 6 ملرد 10 ملن 479 تەڭگەگە ۇلعايتۋ ۇسىنىلادى. اتالعان سومانىڭ 3 ملرد تەڭگەسىن سالىق تۇسىمدەرى, 1,4 ملرد تەڭگەسى سالىقتىق ەمەس تۇسىمدەر جانە 1,6 ملرد تەڭگەسىن نەگىزگى كاپيتالدى ساتۋدان جينالعان تۇسىمدەر قۇرايدى.
بۇدان بولەك, ءماسليحات وتىرىسىنىڭ كۇن تارتىبىندە التى ماسەلە قارالدى. سونىڭ ىشىندە قوعامدىق كولىكپەن جۇرۋدەگى سارالانعان تاريف ءسوز بولدى.
